Т.САЙХАН

УИХ-ын чуулганы өнөөдрийн хуралдаан өндөрлөжээ.  Чуулганы хуралдаанаар Дарханы арьс ширний цогцолборын талаар хэлэлцэх байсан ч салбарын сайд Х.Болорчулуун зүүн бүсэд томилолттой яваа учраас хойшлууллаа.  Харин УИХ-ын дарга Г.Занданшатар "Өнөөдөр олон улсын Авлигатай тэмцэх өдөр тохиож байна. Төрийн өмчит компаниудыг тойрсон авлига албан тушаалын, нүүрсний гэх тодотголтой хэргүүд шалгагдаж байна. Авлига улс орны аюулгүй байдалд заналхийлж байна. Хөгжлийг сааруулж, төрд итгэх итгэлийг бууруулж байна.  Гурван багц хуульд өөрчлөлт оруулах асуудлыг оруулж ирмээр байна. Эрүүгийн хуулийн нэмэлт өөрчлөлт. Ирээдүй хойчийн боломжийг хулгайлж буй авлигачдад хатуу хариуцлага тооцохгүй бол болохгүй байна. Ялын бодлогыг чангатгах зэрэг өөрчлөлтүүд оруулах хэрэгтэй.  Баян орон байтлаа ард иргэд нь маш ядуу амьдраад байна гэдэг үнэн. Олборлох үйлдвэрлэлийн илт тод байдлын тухай хуулийг яаралтай батлах шаардлагатай байна. Уул уурхайн бүтээгдэхүүний биржийн тухай хуулиа баталъя. Авлигын эсрэг хамтарч ажиллацгаая" гэж уриалав.

Эх сурвалж:www.polit.mn