Т.САЙХАН

УИХ-ын чуулганы өнөөдрийн /12.08/ хуралдаанаар нүүрсний хэрэгтэй холбоотой нээлттэй сонсгол зохион байгуулах асуудлаар гишүүд байр сууриа илэрхийлж байна.  УИХ-ын дарга Г.Занданшатар "Цаг үеийн нөхцөл байдал амаргүй, ханшийн өсөлт, инфляци, үнийн өсөлт, иргэдийн амьжиргааг доройтуулж, шударга ёс алдагдаж, баялгийн хулгайтай тууштай тэмцэх асуудал иргэдийн бухимдлыг төрүүлж байна. Залуучууд төв талбай дээр тав дахь өдрөө жагсч байна. Энийг үл тоомсорлох ёсгүй. Тэдний шаардлага бол зүй ёсны гэж үзэж УИХ-аас ажлын хэсэг байгуулсан. Нүүрсний хулгайн асуудлаар нийтийн сонсгол зохион байгуулах саналыг Эдийн засгийн байнгын хороонд оруулж, хуулийн дагуу 14 хоногийн бэлтгэл хангаж, арванхоёрдугаар сарын 21-нд нээлттэй сонсгол хийхээр шийдвэрлэлээ. Ард иргэдийн саналыг сонсч, холбогдох гэрч, албан тушаалтан, шүгэл үлээгч, үнэлгээ тогтоосон, мэдээлэлтэй байгаа УИХ-ын гишүүд оролцож мэдээлэх үүрэгтэй. Тэгэхгүй бол эрүүгийн хариуцлага хүлээх болно. Хууль хяналтын байгууллагууд мэдээллээр хангах ёстой. Жагсагчдын төлөөллийг оролцуулж, нээлттэй сонсголыг үр дүнтэй зохион байгуулах хэрэгтэй байна. Нийт 21 эрүүгийн хэргийг шүүхээр шийдвэрлэж, ил тод зарлах хэрэгтэй. Эзэн биегүй хулгайн хэрэг яриад хэрэггүй" гэлээ. 

Эх сурвалж:www.polit.mn