Т.САЙХАН

ХЗДХ-ийн сайд Х.Нямбаатараар ахлуулсан нүүрсний хулгайг илрүүлэх ажлын хэсгээс мэдээлэл хийлээ. 
ХЗДХ-ийн сайд Х.Нямбаатар "Урд шөнө Б.Ганхуяг нарын найман хүнийг хойшлуулшгүй шалтгаанаар баривчиллаа.  "ЭТТ" ХК-ийн гүйцэтгэх захирлаар ажиллах явцдаа өөртөө давуу байдал үүсгэсэн байж болзошгүй. Эдгээр хүмүүсийн гэр, оффист үзлэг хийж байна. Мөн "Хишиг арвин индустриал" компанийн зарим удирдлагыг баривчилсан. Тус компани "ЭТТ" компанийг байгуулснаас хойш хөрс хуулах ажил гүйцэтгэж байжээ. Энэ бол манай томоохон үндэсний, уул уурхайн компаниудын нэг юм. Цаашид аймаг бүрээс гурван мөрдөн байцаагчийг хянан шалгах ажилд татан оролцуулна. "ЭТТ" ХК-ийн экспортын үйл ажиллагаанд мар ч саад үүсэж болохгүй гэдгийг бид анхааруулсан. Мөн хилийн нэвтрүүлэх хэсэгт ажилладаг гаалийн бүх ажилтныг шалгана. Хүн хүч хэрэгтэй болно. мөрдөн шалах ажиллагаа эрчимжиж байна. Харамсалтай нь,  Сүхбаатарын талбайд чин сэтгэлээсээ жагсаж буй иргэдийн хажуугаар хэрэгт холбогдон шалуулж буй хүмүүсийн гар хөл болсон хүмүүс ч мөн жагсаж байна. Тухайлбал Монголын оюутны холбооны даргаар ажилласан хэд хэдэн хүн "ЭТТ" ХК-д олноороо ажилласан. Яг өнөөдрийн жагсаалыг зохион  байгуулахад Оюутны холбооны удирдлагуудаас их хэмжээний мөнгө шилжүүлсэн хэргийг Эрүүгийн цагдаагийн алба шалгаж байна. Нүүрсний хулгайг дэлгэх Засгийн газрын хүчин чармайлтыг сарниулах гэсэн хүмүүс ч жагсагчдын дунд байна шүү. Иргэд илүү хашир байх шаардлага үүсэв. Эдгээр этгээдүүд Монгол Улсад улс төрийн тогтворгүй байдал үүсгэхээр зорьж байна" гэв. 

Эх сурвалж:www.polit.mn