Ц.ЭНХБАТ
Аргентины баг гараагаа тааруухан эхлэх тусам яван чангардаг түүхтэй. Өөрийн талбайд зохион байгуулсан ДАШТ-д мөн л хэсгийн хамгийн сүүлчийн тоглолтыг 6:1-ээр хожиж байж, бөмбөгний зөрүүгээр хэсгээсээ шалгарч байсан нь санаанд орж байна. Тэрхүү ДАШТ-ий финалд Голландын багийг 3:1-ээр хожиж тэд дэлхийн аварга болж байсан. Тэгвэл ийм л түүх давтагдах нь уу гэж бодогдлоо. Энэ удаа Аргентины баг 2:1-ээр Польшийн багийг хожиж байж хэсгээсээ нэгээр шалгарч фанатуудаа баярлууллаа. Тэд шигшээ 16-д оноолт таарсан Австралийн багийг хожно гэдэгт хөлбөмбөгийн мэргэжилтнүүд эргэлзэхгүй байна. Английн Премьер лигийн тоглогч Алексей Алистер, Жудиан Алварез нарын оруулсан гоолын ачаар шигшээ 16-д шалгарсан Аргентины баг финал руу дөхөх шийдвэрлэх алхмаа хийлээ.
Эх сурвалж: www.polit.mn