Эмгэнэл

2022-11-29
Нийтэлсэн: Админ
 2 мин унших

Гончигжавын Чулуунбат

/1942-2022/

Бидний хайртай хүн, бидний бахархал, нэр төр болон тодорсон авъяас билигт эрхэм хүмүүн Монгол Улсын Соёлын гавьяат зүтгэлтэн, нэрт нэвтрүүлэгч Гончигжавын Чулуунбат нь  таалал төгсөж, нөхөж баршгүй гарз тохиолоо.

Г.Чулуунбат нь 1942 онд Улаанбаатар хотод төрж, 1952-1957 онд Улаанбаатар хотын 2 дугаар дунд сургууль, 1959-1963 онд Төмөр замын техникумийг радио техникч мэргэжлээр суралцаж төгсжээ. Улмаар 1963 онд МРТУХ-ны холбооны албанд хуваарилагдан ажиллаж байгаад өөрийн авьяас сонирхлын дагуу радиогийн нэвтрүүлэгчээр ажиллах болжээ. Ажил мэргэжилдээ чин сэтгэлээсээ дурлан төрөл бүрийн нэвтрүүлгийн зохиолыг урнаар унших болон  хөтлөх ур дүйд уйгагүй суралцан мэргэжилдээ эзэн болон төлөвшсөн тул 1968-1972 он болон 1987-1992 онуудад Москвагийн олон улсын радиод нэвтрүүлэгчээр томилогдон ажиллаж байв.

Тэрбээр нийгэм улс төр, утга зохиол уран сайхны нэвтрүүлгүүд, кино болон шууд нэвтрүүлгийн синхрон тайлбарыг дуу дүрстэй нь ягштал тохируулан уншиж хөтлөх онцгой чадвартай нэвтрүүлэгч байлаа. Хариуцсан ажилдаа чин шударга, өндөр хариуцлагатай хандаж аливаа бүтээлийг том бага гэлгүй нягт нямбай бэлтгэн урьдчилан хянаж өөрийн болгосны дараа эфир болон бусад үйл явдлын талбар дээр итгэл дүүрэн зогсож, сонссон бүгдийн сэтгэлийг өргөн, урмыг бадраах увидаслаг, ховор сайхан дуу хоолойны эзэн болсон уран бүтээлч байв.  

Радио өргөн нэвтрүүлэгт уншиж хөтөлсөн, олон мянган нэвтрүүлгийн дотроос Ч.Лодойдамбын “Тунгалаг тамир” романаар хийсэн радио уран уншлага болон “Сэтгэлийн утас” найраглал, “Эхийн тухай эгшиг дуу”, “Моринд гарамгай хүүхэн”, “Домогт хатан”, “Алдарт тэнгис ариун байгаль” зэрэг олон арван нэвтрүүлэг, баяр наадмын шууд дамжуулалтын бичлэг нь сонсогч олны талархал хүлээж Алтан сан хөмрөгт үнэт өв болон хадгалагдаж байна.

Нэрт нэвтрүүлэгчийн хөдөлмөр бүтээл, ажил мэргэжлийн ур чадварыг төр засгаас өндрөөр үнэлж, 1981 онд БНМАУ-ын Соёлын Гавъяат Зүтгэлтэн цолоор, 2022 онд Сүхбаатарын одонгоор тус тус шагнажээ. Мөн хуучнаар ЗСБНХУ-ын Сайд нарын Зөвлөлийн тэргүүлэгчдийн зарлигаар “Хүндэт одон”-гоор шагнуулж байсан ховор сайхан түүхтэй юм. Эх орны хөгжил мандлын төлөөх бүхий л байгууллагын ажил хөдөлмөрийн тухай нэвтрүүлэг уран бүтээлийг эрхэм сайхан дуу хоолойгоороо амилуулан ард түмэндээ түгээж байсны учир “Радио телевизийн тэргүүний ажилтан” цол тэмдэг, Монгол Улсад биеийн тамир спортын салбар үүсч хөгжсөний 90 жилийн ойгоор “Биеийн тамирын тэргүүний ажилтан”, “Биеийн тамир спорт-90”, “Монголын чөлөөт бөхийн холбоо-50”, Монгол Улсад газрын тосны салбар үүсч хөгжсөний 70 жилийн ойн “Хүндэт тэмдэг”, Монголын цагдаагийн байгууллагын “Цагдаагийн гавьяа” медаль, “Спортын алдар” медаль  зэрэг олон арван шагналуудаар шагнагдаж байжээ.

 Бидний хайрт аав, халамжит хань, ач зээгийнхээ хайртай өвөө, ах дүүсийнхээ халамжит ах эрхэм хүмүүн Г.Чулуунбат нь Монгол Улсад телевиз үүсэн байгуулагдахад анхны нэвтрүүлэгчээр нь ажилласан ховорхон хувь тохиолын эзэн, радио телевизийн нэрт нэвтрүүлэгч, гэр бүл, хамт олныхоо хүндлэл хайрыг зүй ёсоор хүлээсэн хүн байлаа. Сурч мэдсэн эрдэм мэдлэг ур ухаан бүгдээ хойч үедээ харамгүй өвлүүлсэн таны минь үйл хэрэг мөнх билээ.

Эрхмийн дээд үйлс бүтээлийн эзэн эрхэм таныгаа үүрд дурсан санах болно.

Хөх мөнх тэнгэртээ амгалан нойрсох болтугай.

 

УМ МАНИ БАДМИ ХУМ

ГЭР БҮЛ, ҮР ХҮҮХЭД, ТӨРӨЛ ТӨРӨГСДӨӨС НЬ

ум мани бад ми хум
АНУ-ын Хууль зүйн яам Вашингтонд гэмт хэргийн статистик гуйвуулсан эсэхийг шалгаж байна

The Washington Post-ын мэдээлснээр, АНУ-ын Хууль зүйн яам Колумбын т

5 цаг 38 мин
Трамп АНУ-д шуудангийн санал хураалтыг бүрмөсөн хална гэв

Трамп АНУ-д шуудангийн санал хураалтыг бүрмөсөн хална гэв

5 цаг 43 мин
Ө.Шижир: 630 тэрбум төгрөгийг шаардлагатай төсөл, хөтөлбөрт зарцуулах ёстой

УИХ-ын гишүүн Ө.Шижир “Гишүүний таван тэрбум” гэх асуудал нь УИХ-ын гишүүдийн саналыг багцлах, Засгийн

10 цаг 17 мин
“Тавантолгой түлш” компани 1.5 их наяд төгрөгийн өр “үйлдвэрлэжээ”

Засгийн газар 2018 оны дөрөвдүгээр сарын 25-ны өдөр “Сайжруулсан шахмал түлшний үй

10 цаг 17 мин
"Малчид бэлчээрээ нөхөн сэргээж, биологийн төрөл зүйлээ хамгаалж байна"

Монгол орны хөдөө аж ахуйн салбарын 80 гаруй хувийг эзэлдэг мал аж ахуй нь о

Өчигдөр 06 цаг 00 мин
О.Батнайрамдал: “Онтрэ” тусгай зөвшөөрлүүдээ “Оюу Толгой” ХХК руу шууд шилжүүлбэл УИХ-ын бүрэн эрхэд халдсан хэрэг болно

УИХ-ын гишүүн, Оюутолгойн бүлэг ордын ашиглалтыг Хянан шалгах түр хорооны дарга О.Батнайрамдалтай цаг үеийн асуудлаар ярилцлаа.

Өчигдөр 06 цаг 00 мин
“Хиймэл дагуул хөгжлийн дараагийн алхам болно”

Техник, технологи хурдацтай хөгжиж  буй  энэ үед   цаг хугацааны эргэлтээр  маш хурдан хугацаанд бүх зүйлс

Уржигдар 06 цаг 00 мин
Бүлэглэл буцаад сэргэлээ, сайн уу муу юу?

Монгол Улс 1992 оноос хойшх 30-аад жилд зөв замнасан уу, буруу явсан уу. Энэ асуулт тавигдаж, хэн нэгэн хариулах шаардлага үүсэв бололтой.

Уржигдар 06 цаг 00 мин
Их гүрний удирдагч нарын энхийн төлөө гэсэн уриа хэзээ биеллээ олох вэ?

Дэлхий даяараа өнгөрсөн бямба гаригт АНУ, ОХУ-ын Ерөнхийлөгч нарын дээд хэмжээний уулзалт руу анх

Уржигдар 06 цаг 00 мин
АНУ-ын тэргүүн хатагтай ОХУ-ын Ерөнхийлөгчөөс юу хүссэн бэ?

АНУ-ын тэргүүн хатагтай Меланиа Трамп ОХУ-ын Ерөнхийлөгч Владимир Путинд илгээсэн захидалдаа хүүхдүүдийг хамгаалахыг хүссэн гэж Fox News Digital өчигдөр мэдээлсэн байна.

2025-08-17