Ц.Ариунбайгаль: Намрын улирал уран бүтээлчийг хөглөдөг

2022-10-26
Нийтэлсэн: Админ
 3 мин унших

П.АМГАЛАНБАЯР

 

...Танхимд ороход олон утга санааг шигтгэсэн зургуудыг өнгөний гайхалтай дүрслэлээр буулгасан нь сонирхол татав. Эдгээр бүтээлүүд хөдөөгийн нам гүм орчин, голын  чимээ, сэтгэлийн гүнд нуугдсан дурсамжийг тодотгох нь сайхан. Үүнтэй хорших хөгжмийн аялгуу тансаг мэдрэмжид хөтөлнө. Үзэсгэлэнд тавьсан бүтээлүүдэд гол төлөв  эмэгтэй хүний  энхрий  зөөлөн байдлыг  илтгэх аж.  Өнгөний хослолыг мөн төгс зохицуулсан нь гайхалтай. Хар, цэнхэр, ногоон өнгүүд  хоорондоо сүлэлдэж, орон зайн шилжилт болоод дүрс  хоорондоо уусан  нэгдэж буй мэт  сэтгэгдлийг төрүүлж байсан юм. Энэ бол уран зургийн “MN” галлерейд дэлгэсэн зураач Ц.Ариунбайгалийн “The mood”  үзэсгэлэнгийн дүр зураг юм.  “Зууны мэдээ” сонин энэ удаагийн “Урлан” буландаа  анхны бие даасан үзэсгэлэнгээ  дэлгэж буй зураач Ц.Ариунбайгалийг онцолж байна. Тэрбээр 2011 онд  СУИС-ийн Дүрслэх урлагийн  сургуулийн  уран зургийн ангийг зураач мэргэжлээр  төгсжээ.  Сургуулиа төгссөн цагаасаа тасралтгүй уран бүтээлээ туурвиж, мөн “Монет” арт студийн  багшаар ажиллаж байна.

 

-“The mood” буюу “Сэтгэл” нэртэйгээр үзэсгэлэнгээ  дэлгэжээ. Эдгээр бүтээлүүдэд олон цаг үеийн сэтгэл зүйн байдал тань шингэсэн харагдаж байна?

 -Үзэсгэлэнд 25 гаруй бүтээл багтсан. 10 жилийн өмнөөс бодол санаанд минь хадгалаастай байсан  дурсамжаа уран  зурагт буулгаж үзэсгэлэндээ дэлгэлээ. Тиймээс реализм,  модернизм,  футуризм зэрэг хэв маяг, тухайн үеийн сэтгэл зүйн  байдал минь шингэсэн.   Энэ утгаараа үзэсгэлэнгээ “The mood” гэж  нэрлэсэн.

-Олон жил таны сэтгэлд хадаастай явсан, үүнийг л уран бүтээлдээ буулгана даа гэж бодож, төлөвлөж зурсан бүтээлээсээ та нэгийг онцлооч?

 -“Дурсамж ... Тэдэн он” зураг бол миний  хүүхэд насны дурсамжаар бүтсэн бүтээл. Жаахан байхдаа өвөөгийнхөө малын саравчин  дээр тоглодог байсан үеэ  бүтээл болгох бодолтой явсан. Энэ зургийг үзэж байгаа хүн тухайн орчинд уусаж, хүүхэд насныхаа дурсамжаар аялаасай гээд өнгө, орчноо хөдөлгөөнтэй мэт харагдахаар тодотгож зурсан. Хүн бүрийн сэтгэлд хүүхэд насны гэгээн бодрол, цаг хугацаа байдаг шүү дээ.

-Үзэсгэлэнд дэлгэсэн зургуудаас уран зураг сонирхогчид ямар мэдрэмжийг аваасай гэж та хүсэж байна?

- “The mood”  үзэсгэлэнгийн танхимаар зочлоод өнгөрсөн, ирээдүй рүү  мэдрэмжээ хөглөж цаг хугацааны аялал хийгээсэй гэж хүсэж байна.

-Таны бүтээлүүд өнгөний хувьд төгс зохицлыг илэрхийлснээрээ онцлог юм. Ихэвчлэн ямар өнгийг голчилж бүтээлдээ буулгадаг вэ?

-Миний зургуудад ихэвчлэн ногоон өнгөний хувирлууд зонхилдог. Гэхдээ  хэдэн жилийн дараа өөр өнгөөр  хувьсаж ч магадгүй. Байгальд этюд хийхэд  өнгийг сайн задалж сурдаг. Өглөө, өдөр, оройн нар,  тухайн орчны өнгө ямар байх вэ гээд том судалгаа болдог. Дараа нь  бүтээл хийхдээ ч  этюд хийж байсан цаг үеэ бодоод тухайн үеийн сэтгэл зүйгээ уудалж зурагт буулгах тохиолдол байна.

-Таны зураг зурах мэдрэмжийг юу илүү хөглөдөг вэ?

-Тухайн үеийн цаг агаар, сонсож байгаа хөгжмөөс хамаарч уран бүтээл туурвих бодол санаа минь хөглөгддөг. Үзэсгэлэнгийхээ бүтээлүүдийг хөгжим сонсож байгаад зурсан. Мөн намрын улирал  уран бүтээлчийг хөглөдөг юм шиг санагддаг. Модноос тасарч, газарт унаж буй навчис хүртэл гоо үзэсгэлэнтэй харагддаг. Би зураг зураад суухаараа хэдий цаг  хугацаа өнгөрснийг ч мартчихдаг юм. Бүтээл туурвих цаг хугацаа  нь нэг ёсондоо дотоод ертөнцөө нээх, ярилцах,  бясгалгал болдог тал бий.

-“Монет” арт студэд зургийн багшаар ажилладаг гэсэн. Та ямар арга барилтай багш вэ?

-2018 оноос багшаар ажиллаж байна. Хүүхэд бүрийн сэтгэл санааны  онцлог, нас,  зурах чадварыг сайн олж харах хэрэгтэй. Заавал мод ногоон, тэнгэр цэнхэр өнгөтэй гэж заахгүйгээр тухайн хүүхэд тэр агшныг хэрхэн буулгах сэтгэл зүй нь ямар байна гэдгийг ойлгох  нь чухал. Дүрслэх урлагийн  сургуулийн С.Ганболд багш маань ч хүүхэд бүрийн онцлогт тааруулж заадаг байсан. Тиймээс манай ангийнхан бүгд нэгэн жигд биш өөр өөрийн ертөнц, зурах арга барилтай болж төгссөн. Багш маань ч бидний дахин давтагдашгүй байдлыг  бүтээж чадсан гэж боддог. Тиймээс багшийнхаа  багшлах  арга ухаанаас суралцаж явна. Дүрслэх урлагийн суурь нь уран зураг  байдаг.  Уран зураг сурсан хүн цааш салбар мэргэжил рүү хөрвөх чадвар өндөр. Миний хувьд ч  хувцас загвар, график  дизайн  сонирхдог.

Эх сурвалж: “Зууны мэдээ” сонин

2022 ОНЫ АРАВДУГААР САРЫН 26. ЛХАГВА ГАРАГ. № 208 (6940)

 

В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

1 цаг 0 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

6 цаг 6 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

12 цаг 34 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

12 цаг 34 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

12 цаг 34 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Өчигдөр 16 цаг 51 мин
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Өчигдөр 14 цаг 25 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

Өчигдөр 06 цаг 00 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

Өчигдөр 06 цаг 00 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

Өчигдөр 06 цаг 00 мин