Т.САЙХАН

Хууль зүйн байнгын хорооны хуралдаанаар ирэх мягмар гаригт  АТГ-ын дэд даргыг томилох сонсгол хийнэ. УИХ өнгөрсөн арванхоёрдугаар сард Авлигын эсрэг хуульд өөрчлөлт оруулсан. АТГ-ын дэд даргыг Ерөнхийлөгчийн санал болгосноор УИХ зургаан жилийн хугацаагаар томилдог зохицуулалтыг өөрчилж, АТГ-ын дарга нь өөрөө дэд даргаа томилдог болгосон.

Энэ хуулийн дагуу АТГ-ын дарга, тэргүүн комиссар З.Дашдаваа зургадугаар сарын 14-нд АТГ-ын Гүйцэтгэх ажлын хэлтсийн дарга Г.Азжаргалыг дэд даргын албан тушаалд томилуулах хүсэлтийг ХЗБХ-нд ирүүлсэн байна.

Г.Азжаргалын хувьд 1984 онд төрсөн, хуульч мэргэжилтэй, магистрын зэрэгтэй эхнэр хоёр хүүхдийн хамт амьдардаг. 

• 2002 онд Цагдаагийн Ерөнхий газрын/ЦЕГ/  Эргүүл хамгаалалтын газрын эргүүлийн цагдаа
• 2007-2008 онд ЦЕГ-ын эрүүгийн төлөөлөгч
• 2008-2014 онд Эрүүгийн цагдаагийн газрын гуравдугаар хэлтэст төлөөлөгч, ахлах төлөөлөгч
• 2014-2016 онд Зохион байгуулалттай гэмт хэрэгтэй тэмцэх газрын гуравдугаар хэлтсийн  тасгийн дарга
• 2018 оны гуравдугаар сарын 31-ний өдрөөс хойш өнөөдрийг хүртэл АТГ-ын гүйцэтгэх ажлын хэлтсийн даргаар тус, тус томилогдон ажиллаж байна.

Эх сурвалж:www.polit.mn