Монгол Улсын Хүний эрхийн үндэсний комиссын тухай хууль, Хүний эрхийн үндэсний комиссын болон эрүү шүүлтээс урьдчилан сэргийлэх асуудал эрхэлсэн гишүүнийг сонгон шалгаруулах журмын дагуу Хүний эрхийн үндэсний комиссын гишүүний сонгон шалгаруулалтад бүртгэл нээлттэй зарлагдсан байна. 

Нэр дэвших хүсэлтийг хүлээн авах хугацаа

-2026 оны 09 дүгээр сарын 22-ноос 2026 оны 10 дугаар сарын 22-ны өдрийн 17:30 цаг хүртэл.

Хэн нэр дэвших

-Хүний эрхийн үндэсний комиссын гишүүнд тавигдах шаардлагыг хангасан иргэн нэр дэвших тухай хүсэлтээ, бусад баримт бичгийн хамт биечлэн авчирч өгөх.

Нэр дэвших тухай хүсэлт ирүүлэхэд бүрдүүлэх материал

1. Нэр дэвших тухай хүсэлт гаргагчийн анкет;
2. Иргэний үнэмлэхийн хуулбар;
3. Бакалаврын, эсхүл түүнээс дээш боловсролын зэргийн дипломын хуулбар;
4. Нийгмийн даатгалын дэвтэр болон ажил эрхлэлтийг тодорхойлох бусад баримт бичгийн хуулбар;
5. Хүсэлт гаргагчийн талаарх тодорхойлолт;
6. Төрийн албан хаагчийн анкет

Материал хүлээн авах хаяг

Улаанбаатар хот, Сүхбаатар дүүрэг, Жанжин Д.Сүхбаатарын талбай 1, Төрийн ордон, 329 тоот, Хууль зүйн байнгын хороо (Лавлах утас: Хууль зүйн байнгын хорооны Ажлын албаны референт Л.Хурцбилэг 51-262727; 99119857)

Нэр дэвшүүлэх журам

Хүний эрхийн үндэсний комиссын болон эрүү шүүлтээс урьдчилан сэргийлэх асуудал эрхэлсэн гишүүнийг сонгон шалгаруулах журам: https://parliament.mn/news/khunii-erkhiin-undesnii-komissyn-bolon-eruu-shuultees-urdchilan-sergiilekh-asuudal-erkhelsen-gishuuniig-songon-shalgaruulakh-zhuram-1

Бүртгэл хааснаас хойш ажлын 5 өдрийн дотор хүсэлтийг хянан хэлэлцэж, сонгон шалгаруулалтад оролцогчоор бүртгэх эсэхийг шийдвэрлэнэ. Бүртгэснээс хойш ажлын хоёр өдрийн дотор оролцогчдын нэрс болон мэдээллийг www.parliament.mn цахим хуудаст байрлуулж, хэвлэл, мэдээллийн хэрэгслээр нийтэд мэдээлнэ.

Улсын Их Хурлын Хууль зүйн байнгын хороо 2026.10.13-нд хуралдаанаар "Хүний эрхийн Үндэсний Комиссын гишүүнийг сонгон шалгаруулах Ажлын хэсгийн бүрэлдэхүүнийг УИХ-ын гишүүн Б.Тулгаар ахлуулан баталсан билээ.

Эх сурвалж: polit.mn