Т.САЙХАН

УИХ-ын  чуулган Өршөөл үзүүлэх тухай хуулийг эцэслэн баталлаа. Ардын хувьсгалын 100 жилийн ойг тохиолдуулан Засгийн газар Өршөөл үзүүлэх хуулийн төслийг боловсруулан УИХ-д өргөн барьсан. Парламент хуулийн төслийг хаалттай хэлэлцэж баталсан юм. Тус хуулийг долдугаар сарын 6-аас хэрэгжүүлэхээр хуульд тусгажээ. Мөн нийт ял эдэлж байгаа хоригдлуудын. 3.6 хувийг суллаж, 8.9 хувийн зорчих эрхийг хязгаарлаж, 4.5 хувийн хорих ялаас хоёр жилийг хасах юм.

Мөн Зөрчлийн тухай хуулиар автомашины торгууль авсан иргэдийг торгуулиас чөлөөлөхөөр хуулийн төсөлд тусгасан. Тус өршөөлд иргэдэд оногдуулсан 70 тэрбум төгрөгийн торгуулийг өршөөх юм.

2021 оны зургадугаар сарын 28-ны байдлаар хорих ангид 4175 хоригдол байгаа бөгөөд цагдан хорих таслан сэргийлэн арга хэмжээ авсан 1045, баривчлах шийтгэл эдэлж буй 177, хорихоос өөр төрлийн ялаар 3669, албадлагын арга хэмжээ авагдсан 3984, нийт 13050 хоригдол ял эдэлж байгаа аж. Харин энэхүү хуулийг баталснаар хорих ялаар шийтгүүлсэн 4175 хоригдлоос 150 хоригдол ялаас бүрэн чөлөөлөгдөж, 371 хоригдлын хорих ялыг зорчих эрхийг хязгаарлах ялаар солих, 188 хоригдлын хорих ялаас 2 жилийг хасч, өсвөр насны 25 хүн, нийт 709 хоригдол хорих ялаас чөлөөлөгдөх аж.

Эх сурвалж:www.polit.mn