Т.САЙХАН
Монгол Улсын зургаа дахь Ерөнхийлөгч У.Хүрэлсүхийн тангараг өргөх үеэр хамгийн их фактласан хүн нь УИХ-ын дарга Г.Занданшатар байв. Тэрбээр парламентын спикерийн хувьд тангараг өргөх үйл ажиллагааг ерөнхийд нь чиглүүлж явах учиртай. Гэвч ёслолын ажиллагаанд уригдан ирсэн хүмүүсийн өмнө үг хэлэхдээ гацах, түгдрэх гээд наад захын соёл харагдсангүй.
Улмаар ёслолын үеэр УИХ-ын дарга Г.Занданшатар Ерөнхийлөгч У.Хүрэлсүхийг индэрт гарч үг хэлэхийг урих үеэр Ерөнхийлөгч Ухнаагийн Хүрэлсүхийн овгийг буруу дуудаж өмнөх Ерөнхийлөгчийнхтэй андуурч Халтмаагийн Хүрэлсүх хэмээн парламентын танхимд зарлаж бүдүүлэг алдаа гаргалаа. Ерөнхийлөгчийнхөө овгийг буруу дуудна гэдэг УИХ-ын дарга хүний хувьд хэнэггүй хандах арга хэмжээ лав биш.
Түүнчлэн УИХ-ын дарга Г.Занданшатар протокол зөрчин тангараг өргөөгүй байхад нь тамга хүлээцүүлэх гэж мунгинасан төдийгүй тангараг өргөснийх нь дараа Төрийн дуулал эгшиглүүлсэнгүй.
Уг нь УИХ-аас тогтоосон журамд тангараг өргөсөн Ерөнхийлөгч Төрийн тамгыг ширээн дээрээ залмагц Улсын Их Хурлын дарга Ерөнхийлөгчид баяр хүргэж, хөгжимд Монгол Улсын Төрийн дуулал эгшиглэнэ. Төрийн дуулал эгшиглэж байхад ёслолын ажиллагаанд оролцож байгаа бүх хүн босож зогсоно хэмээн тусгасан байдаг билээ.
Эх сурвалж:www.polit.mn