Т.САЙХАН
Эрдэмтдийн зөвлөлөөс яаралтай хатуу хөл хорио тогтоох саналыг УОК-т хүргүүлсэн байна. УОК-ын Эрдэмтдийн зөвлөлийн нарийн бичгийн дарга Б.Батбаяр "Өнгөрсөн сард хатуу хөл хорио тавигдсаны дараа үе шаттай хөл хөдөлгөөний хзягаарлалтаа хийгээд явсан бол эрдэмтдийн багийн тооцоогоор зургадугаар сарын 15-наас халдвар буурах байсан. Гэтэл хөл хөдөлгөөн улам нэмэгдэж, орон нутгийн хөдөлгөөн, 16 мянган хүн шагнал авч, үүнийг дагаж найр наадам болсон. Энэ бүгд халдварын тоо өсөхөд голлон нөлөөлсөн. Өнөөгийн энэ хөл хөдөлгөөнтөй задгай байдлаар цаашаа явбал хүлээгдэж байгаа нас баралт, тохиолдлын тоо өсч, эрсдэл улам бүр нэмэгдэхээр байгаа учраас хатуу хөл хорио тогтоох саналыг УОК-т танилцуулж байна. Хэрэв хөл хорихгүй бол долдугаар сарын эхээр нийт тохиолдлын тоо 120 мянга давах эрсдэл байна" гэлээ.
Эх сурвалж:www.polit.mn