Т.САЙХАН
Сангийн сайд Б.Жавхлан ирэх сараас хэрэгжүүлэх арга хэмжээний талаар мэдээлэл өглөө. Тэрбээр "Ирэх долдугаар сарын 1-нээс бүх арга хэмжээний хугацаа дуусаж байгаа. Сүүлийн нэг жилийн хугацаанд үзүүлсэн хүүхдийн мөнгөний нэмэгдэл, ус, цахилгаан, дулааны хөнгөлөлт зэрэг халамжийн чиглэлийн арга хэмжээнүүдийг зогсооно.
COVID-19-ийн нөхцөл байдал эдийн засагт хэрхэн нөлөөлж байгаа талаар цогц эрсдэлийн шинжилгээ хийж, цаашид яаж шилжилт хийх вэ гэдгээ тооцоолох ёстой. Цар тахлын өмнөх суурь руу шууд шилжих боломж байна уу. Эдийн засаг үүнийг даах уу гэдэг дээр шинжилгээ хийж байна. Шийдвэр гаргахад хараахан болоогүй байна. Одоогийн нөхцөл байдлыг харахад бидэнд шилжилтийн үе хэрэгтэй гэдэг нь харагдаж байна" гэлээ.
Эх сурвалж:www.polit.mn