З.Батцэцэг

ОХУ-ын ГХЯ-ны сайд Сергей Лавров Рейкьявикт АНУ-ын төрийн нарийн бичгийн дарга Энтони Блинкентэй хийсэн хэлэлцээрийг үр дүнтэй боллоо гэв.

Сайдын тэмдэглэснээр талууд “Москва, Вашингтоны өмнөх жилүүдэд үүсээд байсан эрүүл бус байдлыг даван туулах хэрэгтэй” гэдэгийг ойлгох шаардлагатай байгаа. “Саад их бий. Үүнийг шийдэхэд амаргүй. Гэхдээ Блинкен болон түүний баг үүнийг хийхээр шийдсэнийг би мэдэрсэн. Бидний хувьд бол асуудалгүй” гэж сайд нэмж хэллээ.

Орос, АНУ-ын дипломат төлөөлөгчдийн газрын талаар тэрээр ярихдаа, дипломат төлөөлөгчдийн газрыг гинжин урвал шиг хааж байгаа нь хэний ч сэтгэлд нийцэхгүй. “Энэхүү буруу цохилтын тойргийг ерөнхийлөгч Обама цагаан ордноос явахдаа эхлүүлсэн. Энэ гинжин урвал хэний ч санаанд нийцэхгүй байгаа гэж би бодож байна. Яг л ийм мэдрэмжийг Америк хамт олноос би бас мэдэрсэн. Бид ерөнхийлөгч нартаа өргөн барих саналаа бэлтгэх болно” гэж Лавров хэллээ.

Мөн Лавров Блинкентэй олон улсын хэд хэдэн асуудлаар ярилцсанаа хэллээ: Солонгосын хойгын байдал, Ираны цөмийн хөтөлбөрийн үйл ажиллагааны нэгдсэн цогц төлөвлөгөөг сэргээх, Афганистан дахь нөхцөл байдлын талаар. “Одоогийн байдлаар эдгээр бүх асуудлыг яаж үр дүнтэй болгох талаар ярилцлаа” гэж сайд цохон тэмдэглэв.

Лавров, Блинкен нарын Рейкьявик дахь уулзалт бараг 2 цаг үргэлжилсэн. Блинкеныг албан тушаалд томилогдсоноос хойш анхны нүүр тулсан уулзалтыг нээж хэлсэн үгэндээ Лавров хэлэхдээ Москва, Вашингтон харилцаагаа цаашид хэрхэн хөгжүүлэх талаар шийдэх ёстой, зөрөлдөөн бол ноцтой байгаа гэжээ.  

Түүний хэлсэнээр ОХУ нь “АНУ-ын өмнөх засаг захиргаанаас өвлүүлэн үлдээсэн нурангийг цэвэрлэхэд бэлэн” байгаа бөгөөд үүнд хоёр орны дипломат төлөөлөгчийн газрын хэвийн үйл ажиллагааны асуудал орно.

Блинкен өөрийн зүгээс зөрчилдөөнийг үл харгалзан АНУ, ОХУ нь олон чиглэлээр хамтарч ажиллах боломжтой. Хэрвээ хоёр орны тэргүүнүүд хамтарч ажиллавал дэлхий ертөнц аюулгүй болох болно гэсэн байр суурийг илэрхийлжээ.

Эх сурвалж: www.ria.ru