Т.САЙХАН

2021.04.24

Өнгөрсөн 24 цагийн хугацаанд 13000 гаруй хүний сорьцод шинжилгээ хийхэд 1263 хүнээс коронавирусийн халдвар илэрлээ. Ингэснээр улсын хэмжээнд бүртгэгдсэн нийт тохиолдол 29,219 боллоо.

Мөн хугацаанд 487 хүн эдгэрч эмнэлгээс гарсан бол  таван хүн нас барсан харамсалтай мэдээлэл байна.

Өнөөдрийн байдлаар халдварын тохиолдлуудын 14,745 нь эдгэрээд байгаа бол 74 хүн уг өвчний хүндрэлээр нас бараад байна.

• 86 настай эрэгтэй дөрөвдүгээр сарын 14-нд онош батлагдаж, эмнэлэгт хэвтэн эмчлүүлж байгаад нэн хүн хэлбэрээр нас барсан.
• 71 настай эрэгтэй дөрөвдүгээр сарын 15-нд оношлогдож, эмнэлэгт хэвтэн эмчлүүлж байгаад нас барлаа.
• 73 настай эрэгтэй дөрөвдүгээр сарын 16-нд онош батлагдаж, эмнэлэгт хэвтэн эмчлүүлж байгаад нас барсан.
• 72 настай эрэгтэй дөрөвдүгээр сарын 19-нд онош батлагдаж, эмнэлэгт  нас барав.
• 77 настай эмэгтэй эмнэлэгт хэвтэн эмчлүүлж байгаад нас баржээ. Ийнхүү Covid-19-ийн шалтгаант нас баралт нийт 74 боллоо. Түүнчлэн 72 настай эмэгтэй дөрөвдүгээр сарын 3-нд Covid-19-ийн халдвараар оношлогдсон ба хорт хавдраар нас барлаа.

Орон нутгуудад шинээр 160 тохиолдол батлагджээ. Халдварын тохиолдлыг аймаг тус бүрээр авч үзвэл:

• Булган аймагт-нэг
• Дархан-Уул аймагт – 16
• Эрдэнэт -тав
• Дундговь аймагт – долоо
• Завхан аймагт –46
• Баянхонгор аймагт -гурав
• Өвөрхангай аймагт –12
• Сэлэнгэ аймагт –хоёр
• Чойр -нэг
• Төв аймагт –долоо
• Ховд аймагт –нэг
• Хөвсгөл аймагт –дөрөв
• Хэнтий аймагт –гурван тохиолдол тус бүр батлагдаад байна.

Халдварын улмаас 4311 хүн эмнэлэгт хэвтэн эмчлүүлж байгаагаас

• Хөнгөн 2517
• Хүндэвтэр 1375
• Хүнд 345
• Маш хүнд 74 хүн байна.

Гэрийн болоод эмнэлгийн хяналтад 12,157 иргэн байна. Үүнээс эмнэлэгт 4,311 иргэн байгаа бол гэрт 7,846 иргэн эмчлэгдэж байна.

Эх сурвалж:www.polit.mn