Д.Болор

"Vanity Fair", "People" сэтгүүлүүдээс гаргадаг жагсаалт болон бусад олон олон санал хураалтаас сайхан эмэгтэйчүүдийн жагсаалтын тэргүүлэх байруудад байнга ордог бүсгүйчүүдийн нэг бол яах аргагүй Анжелина Жоли.

Дэлхийн хэмжээний сайхан бүсгүй Анжелина Жоли 1975 оны энэ өдөр Лос Анжелест төржээ. Нэг настайд нь эцэг, эх нь гэр бүлээ цуцлуулснаар А.Жоли ээж дээрээ өсөх болжээ. Түүнийг багад нь ээж нь кино үзүүлээд, харин дараа нь тэр кинонд чухам юу гарсан, юуг өгүүлсэн талаар тайлбарлуулдаг байсан гэдэг. Тэрээр ганц жүжигчин болохыг мөрөөдөөд зогсохгүй 14 настайдаа загвар өмсөгч хийж байжээ. Энэ үедээ олон олон дууны клипэнд ч тоглоод амжсан гэдэг.  Тэрээр Алтан бөмбөрцөг наадмын гурван удаагийн шагналт, мөн Оскарын шагналт жүжигчин. Мөн хүмүүнлэгийн үйлсийг байнга хийж, бусдыгаа энэ үйлсэд татан оруулдгаараа алдартай. Энэ үйлс нь түүнийг гоо сайхан, хүнлэг зан чанарыг нэгэн биед хослуулж чадсаныг нь батлан харуулдаг.