Т.САЙХАН
Шүүхийн тухай хуулийн шинэчилсэн найруулгад зааснаар ШЕЗ-ийн болон Шүүхийн сахилгын хорооны шүүгч бус гишүүнийг УИХ нээлттэйгээр нэр дэвшүүлж, сонгон шалгаруулсаны үндсэн дээр томилгооны сонсгол хийж томилохоор заасан юм. Уг сонгон шалгаруулалтыг зохион байгуулах Ажлын хэсгийг байгуулах тогтоолын төслийг Хууль зүйн байнгын хорооны өнөөдрийн /03.31/ хуралдаанаар хэлэлцэж, ажлын хэсгийн ахлагчаар нь УИХ-ын гишүүн С.Бямбацогтыг томилжээ.
Ажлын хэсэг нь УИХ дахь олонх, цөөнх, Ерөнхийлөгч, Засгийн газар, Хүний эрхийн Үндэсний Комисс, Монголын Хуульчдын холбоо, Монголын Өмгөөлөгчдийн холбоо, хууль зүйн сургалт, судалгааны байгууллага, хууль зүйн их, дээд сургуулийн санал болгосон төлөөллөөс бүрдсэн 11 гишүүний бүрэлдэхүүнтэй байх юм.
Шүүхийн ерөнхий зөвлөл /ШЕЗ/ болон Шүүхийн сахилгын хорооны шүүгч бус гишүүн сонгон шалгаруулалтад нэр дэвшигчдийн хүсэлтийг энэ сарын 15-ны өдрөөс хүлээн авч эхлээд байна.
Эх сурвалж:www.polit.mn