Т.САЙХАН

“Улаанбаатар хөгжлийн корпораци” ХК-ийн Төлөөлөн удирдах зөвлөл хуралдаж, корпорацийн гүйцэтгэх захирлаар Нийслэлийн ИТХ-ын Тэргүүлэгч Н.Баярчимэгийг томилжээ. Ажил хүлээлцэх үеэр Нийслэлийн ИТХ-ын даргын зөвлөх Ш.Үнэнбат “Улаанбаатар хотын тогтвортой хөгжлийг хангах төсөл хөтөлбөрүүдийг төр, хувийн хэвшлийн түншлэлээр хэрэгжүүлэх гүүр нь энэ байгууллага юм. Нийтийн тээврийн парк шинэчлэл, эрх зүйн орчныг сайжруулахаас авхуулаад олон ажил, арга хэмжээ энд төвлөрч байгаа. Нийслэлийн иргэдэд ажиллаж, амьдрахад таатай орчин бүрдүүлэх үйлсэд нь амжилт хүсье” гэв. 

Н.Баярчимэгийн ажилласан байдал:

• 2002-2003 онд “Розенблат Ассосэйтс” Канадын цагаачлалын хуулийн фирмийн Монгол дахь төлөөлөгчийн газарт Эрх зүйн зохицуулалт хариуцсан захирал
• 2003-2006 онд “Мобиком корпорац”-ийн Зуунмод дахь салбарт мэргэжилтэн, салбарын захирал
• 2011 онд “Моннис интернэйшнл” ХХК-д хуулийн мэргэжилтэн
• 2011-2016 онд “Үндэсний хөрөнгө оруулалтын банк” ХХК-д хуульч, ахлах хуульч, хэлтсийн дарга
• 2016-2017 онд Үндэсний хөгжлийн газарт мэргэжилтэн, хэлтсийн дарга
• 2017 онд Уул уурхай, хүнд үйлдвэрийн яаманд мэргэжилтэн, хуулийн хэлтсийн дарга
• 2018-2019 онд “Эрдэнэс тавантолгой” ХК-д дэд захирал
• 2019-2020 онд “Эрдэнэс тавантолгой майнинг” ХХК-д дэд захирал
• 2020 онд Сонгинохайрхан дүүргийн ЗДТГ-т Засаг даргын орлогч
• 2020 оноос нийслэлийн ИТХ-ын төлөөлөгч, нийслэлийн Засаг даргын Хүний хөгжил, нийгмийн бодлогын асуудал хариуцсан орлогчоор ажиллаж байсан  юм. 

Эх сурвалж:www.polit.mn