Т.САЙХАН

2021.03.08

Өчигдөр улсын хэмжээнд 13269 хүний сорьцод шинжилгээ хийхэд 108 хүний шинжилгээнд халдвар илэрлээ. Мөн сүүлийн 24 цагт нэг иргэн халдварын улмаас нас барлаа. Шинээр илэрсэн тохиолдлуудын гурав нь гаднаас зөөвөрлөгдсөн тохиодол бол үлдсэн 105 нь дотоодод буюу Улаанбаатар хотод бүртгэгдсэн халдварын тохиолдлууд байгаа юм.

Ингэснээр улсын хэмжээнд бүртгэгдсэн коронавируст халдварын нийт тохиолдол 3336 боллоо. Үүнээс 2588 буюу 77.5 хувь нь эдгэрээд байгаа бол 732 хүн эмчлэгдэж байна гэсэн мэдээлэл өглөө.   

Нийт тохиолдол 3336 болсноос 2588 нь эдгэрсэн байна. Шинээр илэрсэн халдваруудын гурав нь гаднаас зөөвөрлөгдөн орж ирсэн бол 54 нь УДЭТ-аас илэрлээ. Үлдсэн нь халдвар авсан хүмүүсийн ойрын хавьтлууд байсан. ЭМЯ-наас уран бүтээлчдэд хандан зарласан тоглолтуудаа цуцлах уриалгыг гаргаж байна.

Төв аймагт дөрөв, Завхан аймагт хоёр тохиолдол бүртгэгдээд байгаа бол бусад аймаг одоогоор халдваргүй байна. Нийт 732 хүн эмчилгээнд байгаагаас нэн хүнд хоёр, хүнд гурав, хүндэвтэр 68 хүн байна. Нийслэлд нийт 1905 хүн ойрын хавьтал болсон. Хоёр дахь хавьтал болсон 78 хүнтэй холбоотойгоор 258 хүн хяналтад орж байна. Ингэснээр нийт хавьтал 500 гарч, халдварын тохиолдол, хүндрэл нэмэгдэх эрсдэл бий болж байна гэсэн мэдээлэл өглөө. 

Эх сурвалж:www.polit.mn