Т.САЙХАН

Засгийн газрын өнөөдрийн /02.17/ ээлжит хуралдаан өглөөний 8:00 цагт эхэлж,  одоо 19.00 цагийн байдлаар үргэлжилж байна.  Өнөөдрийн хуралдаанаар  24 асуудал хэлэлцэж удахгүй шийдвэрээ танилцуулах юм байна.

Хуралдаанд Шадар сайд С.Амарсайхан цар тахлын нөхцөл байдал, хэрэгжүүлж байгаа шуурхай хариу арга хэмжээ, Халдвараас сэргийлэх ногоон, шар, улаан бүсийн дүрэм, журам, Хорио тавигдсаны дараа шууд болон шууд бус харилцах байгууллагууд хэрхэн ажиллах, Гадаад байгаа иргэдээ татан авах бэлтгэл ажлын талаар танилцуулга хийв. Мөн Сангийн сайд Б.Жавхлан “Эрүүл мэндээ хамгаалж, эдийны засгаа сэргээх 10 их наядын цогц төлөвлөгөө”-нд тусгагдсан ажлын байрыг дэмжих зээл, ипотекийн зээл, ХАА-н үйлдвэрлэлийг дэмжих зээл, Монголбанкны репо санхүүжилтийг нэмэгдүүлэх арга хэмжээ, БХБ-ын сайд Б.Мөнхбаатар Иргэдийг орон сууцжуулах төсөл, БШУ-ы сайд Л.Энх-Амгалан Залуусын хөдөлмөр эрхлэлтийг дэмжих төслийн талаар танилцуулжээ. Мөн ирэх сарын 1-нээс танхимын хичээлийг эхлүүлэх эсэх асуудлыг хамгийн сүүлд хэлэлцэн, удахгүй шийдвэрээ танилцуулах юм.  

Эх сурвалж:www.polit.mn