М.ХҮСЛЭН

Саяхан парламентын сонгуульд ялалт байгуул­сан Энэтхэгийн ард түмний намын (Бхаратия жаната парти) тэргүүн Нарендра Моди уржигдар Ерөнхий сайдын ажлаа хүлээн авч тангараг өргөв. Тан­гараг өргөх ёслолд тус улсын төрийн дээд албан ту­шаалтнууд болон Пакистаны Ерөнхий сайд Наваз Шариф оролц­сон байна. Делид Ерөн­хийлөгчийн ордонд бол­сон тангараг өргөх ёслолын өмнө Наваз Шариф “Нарендра Моди Ерөнхий сайд болж бай­гаа нь хөрш хоёр орны харилцааг сайжруулахад чу­хал алхам болно” гэж мэдэгджээ. Наваз Шариф 1947 онд хоёр улс тусгаар тогтносноос хойш Энэтхэгийн Ерөн­хий сайдын тангараг өр­гөх ёслолд оролцож буй Пакистаны хамгийн анхны Ерөнхий сайд болж байна.

Кашмирийн маргаан­тай бүс нутгаас болж Энэт­хэг, Пакистан улс хоо­рондоо гурван удаа дайтах шахсан. Өчигдөр хоёр улсын Ерөнхий сай­дууд хэлэлцээр явуулав. Засгийн эрхийг авч буй Ард түмний намын тэргүүн Нарендра Моди парламентын сонгуулийн үеэр эдийн засгийн чадавхийг сайжруулж, Энэтхэгийг дэлхийн тэр­­гүүлэх гүрний нэг болгоно хэмээн амласан билээ.