Т.САЙХАН

УИХ-ын өнөөдрийн /01.28/ чуулганаар Шүүхийн тухай хуульд тавьсан Ерөнхийлөгчийн хоригийг хэлэлцэн хүлээж авахаас татгалзлаа.  Өмнө хоригийг МАН-ын бүлэг болон  Хууль зүйн байнгын хорооны хуралдаанаар хэлэлцэн хүлээн авах боломжгүй гэж үзсэн юм. 

Энэ үеэр УИХ-ын гишүүн Х.Нямбаатар: -Нэг хүн Шүүхийн ерөнхий зөвлөлийг томилдог тогтолцооноос ангижирч байгаа гэдгийг хэлмээр байна. УИХ-ын гишүүн Б.Пүрэвдорж маш олон жил намайг гүтгэж байна. Миний бие хувь гишүүний хувиар хөөн хэлэлцэх хугацаатай зохицуулалттай холбоотой ямар нэг санаачилга гаргаагүй болохыг УИХ-ын Тамгын газраас авсан. Үүнийгээ олон нийтэд хүргэх болно. УИХ-ын гишүүн Б.Пүрэвдоржид хандаж хэлэхэд улс төрийн оноо авч болно, гэхдээ хүнийг үндэслэлгүй гүтгэж болохгүй. Би чамайг УИХ-ын чуулганы танхимд визний наймаачин гэж хэлж байгаагүй шүү дээ. 

Ерөнхийлөгчийн Тамгын газрын дарга Ө.Шижир:-Өглөө 09:00 цагт өгсөн нэлээн зузаан хоригийг цагийн дотор хүлээн авахгүй гэж улс төрийн байр суурь илэрхийлж болохгүй. Бид хоригууд дээр маш сайн сууж ажилласан. Гэтэл уншиж танилцалгүйгээр шууд хүлээж авахгүй гэж байна. Дээр нь асуудалтай холбоотойгоор УИХ-ын чуулганы танхимд Ерөнхийлөгчийг доромжилж, гүтгэж байна. Энэ танхим хамгийн ажил хэрэгч, хамгийн үнэн танхим байх ёстой гэж боддог.

Эх сурвалж:www.polit.mn