-Онцлох 10 ишлэл-

* Нөхцөлт театр урьд өмнөх үеийн театрийнхан хоосон ярианд умбаж, тоглох аргын хувьд олсноо гээснийг сэргээсэн гэж Мейерхольд үздэг. Хоосон яриа гэдэг биеийн үйлдэлгүй тоглолтыг хэлсэн бололтой. Тэгээд ч бусад театруудаас өөр улс төрийн, ухуулгын, нөхцөлт илэрхийллийн аргатай театр бий болгохыг зорьж байж.

*Театр дотор борооны үүл нүүж хөвддөг гэж үү? Тиймээ “хөвдөг”. Тэгэхдээ үзэгчдийн сэтгэл дотор хөдөлгөөнгүй тогтуун үүл хөвж харагдаг. Энэ бол театрын урлагийн итгүүлж үнэмшүүлэх гайхам нэгэн тал...

*Нөхцөлт илэрхийллийн театрын уран бүтээл зохиолч, жүжигчин, найруулагчаас гадна дөрөв дахь бүтээгч үзэгчдийн оролцоотойгоор бүтдэг онцлогтой.

*Театр гэдэг нүүрний хувирал хөдөлгөөн. Жүжиг бол өнгөрсөн үеийн хирнээ яг энэ агшинд төрөн гарах үйл явдал амьдрал.

*Жүжигчин хуучин уужим цэлгэр зайд тоглож байсан бол одоо юухан хээхэн дээр ширээ тавцан шатан дээр хэвтээ босоо мөлхөө янз бүрийн байдлаар хөдлөж сурч байж тайзан дээрх тоглолтыг хий хоосон аяглалаас хамгаалж яг энэ агшинд үйл явдлыг сэтгэлд хүртэл өрнүүлж чаддаг болно. *

*Үйл явдалд нүүр гарын хөдөлгөөн, биеийн байршил, хүзүү толгой мөрний хөдөлгөөн, цонх цэцэг сандал шүүгээтэй харьцаж байгаа харьцаа бүгд хамрагдан адил тэгш оролцох болно.

*Жүжигчин хүнд өөрийн гэсэн чиглэл зорилго хэрэгтэй. Тиймгүй бол тэр театрт хэрэггүй. Тэгвэл драмын жүжигчдийг ажилд орсноос нь хойш хэн ч анхаарал тавихгүй байна. Энэ хүмүүсийг театр доторхи сургалт биш театрт ажиллах хүсэл л ийм газартай хэл амаа ололцох эх сурвалж болж байна. Чухам ажилтай байна уу,цаг нөхцөөж байна уу гэдэг чухал биш болжээ.

*Хүн учраас гэр орондоо хөглөрч хүүхэд багачуудтайгаа зууралдаж зах зээлээр хэсч идэх уухаа цуглуулан ном уншиж кино зурагт үзэж хаяа хоолойгоо “дэвтээдэг” ч байж болно. Гол нь энэ хүмүүсийн цаг нөхцөөж байгаа ажил мэрэгжил уран чадварын хувьд өсж дэвжихэд урагшилж хөгжих ерөнхий зорилгоос хол хөндий хэт амиа бодсон байна л гэж хэлэхээр болоод байгаа юм. Насаараа театрт зүтгээд ч өөрийн авьяас чадвараа бүрэн нээж харуулж чадаагүй олон хүн “хөгширч” байна.

* Авъяас төгөлдөр жүжигчин гэгдэг хүн ч гэсэн өөрийгөө бүрэн шавхах нөхцөл бололцоо ийм театрт бүрэлдэхгүй. Ер нь энэ хүмүүс мэргэжлийн чадвараа хэрхэн дээшлүүлэх вэ гэдэгт театр өөрийн төрх хэлбэрт таарсан дасгалынхаа цувралыг санал болгох ёстой.

*Театр бүр өөрийн донж төрх хэлбэртэй байдгийн адил жүжигчний дасгал ч гэсэн мөн түүнтэй таарч тохирсон арга билиг юм. Эндээс л жүжигчин аль театрт ажиллахаа сонгож амжилт өөд тэмүүлэх хүсэл сонирхолтой болно.

Эх сурвалж: www.polit.mn