Т.САЙХАН

Дэлхийн 30 гаруй улсад дэгдээд буй коронавирусийн шинэ хувилбарын талаар ЭМЯ-ны ахлах шинжээч Д.Нарангэрэл өнөөдөр /01.01/ мэдээлэл өгсөн.  Тэрээр  COVID-19-ийн халдварын дэлхий дахины нөхцөл байдал болон нийслэл Улаанбаатар хотод коронавирусийн дэгдэлт гарч байгаа энэ үед иргэд баяр ёслолын үеэр гэртээ байх, гэртээ зочин урихгүй, хүний бөөгнөрөл үүсгэхгүй, айл хэсэхгүй, хоёр, гурваараа нийлж гадуур, дотуур зугаалахгүй байх нь халдвараас хамгаалах үр дүнтэй арга гэдгийг дэлхий дахины бодит жишээ харуулж байна" гэв.  

 Мөн COVID-19-ийн шинэ хувилбар нь олон орныг хамарч байгаа ч Лондон хотын эрдэмтдийн судалгаагаар халдвар дамжих зам нь  адилхан байна гэж үзжээ. Өөрөөр хэлбэл  шинэ хувилбар нь агаар дуслын болон агаараар, ахуйн хавьтал гэсэн үндсэн гурван замаар дамжиж байгаа гэсэн үг. Иймээс иргэд амны хаалтаа зөв зүүх, хүн хоорондын зай барих, хүний бөөгнөрөл үүсгэхгүй байх, гараа сайтар савандаж угаах нь мутацид орсон халдварын шинэ хувилбараас сэргийлэх үр дүнтэй арга болохыг тогтоожээ.

Эх сурвалж:www.polit.mn