Т.САЙХАН

УИХ-ын Халдашгүй байдлын дэд хорооны дарга Н.Энхболд өнөөдөр /12.14/ мэдээлэл хийлээ. УИХ-ын гишүүн Ж.Эрдэнэбатыг  хууль зөрчиж, хорьсон асуудлаар Олон улсын парламентын холбоо /ОУПХ/-оос манай улсад хэрэг үүсгээд байгаа юм байна. УИХ-ын гишүүн Н.Энхболд "Энэ а суудлыг Халдашгүй байдлын дэд хороо хэд хэдэн удаа авч хэлэлцэж, шүүхийн байгууллагад хүсэлт хүргүүлсэн. Яг одоо Үндсэн хуулийн дагуу бүрэн эрх, халдашгүй байдал нь хадгалагдаж байгаа, СЕХ-оос хуулийн дагуу албан ёсоор нэр дэвшиж, сонгогдсон гишүүн. Ерөнхий прокурор, СЕХ-оос зөвшөөрөл авсан эсэх талаар, шийдвэр нь гарсан асуудлаар тайлбараа ирүүлэх хүсэлт өгсөн. Одоогоор хариу ирээгүй байгаа. Халдашгүй байдлын дэд хороо УИХ-ын сонгуульд нэр нь дэвшээд, сонгогдсон хүний эрх нь зөрчигдөж байна гэж үзэж байгаа. ОУПХ парламентчдын эрх нь зөрчигдөж байгаа эсэхийг шалгаж, зөрчигдсөн бол хууль зөрчсөн эсэхийг шалгаж, хянадаг дүрэм, журамтай. Түүний дагуу санал явуулсан. ОУПХ-оос гурван үндэслэлээр эрх нь зөрчигдсөн гэж үзэж, хэрэг нээгээд шалгаж байна" гэв. 

-С.Зоригийн хэрэг дээр, Ж.Эрдэнэбат гээд хоёр ч хэрэг нээсэн  байна. Ер нь энэ байгууллага хэр нөлөөтэй, парламентын холбоо хэрэг нээх нь манай улсын нэр хүнд, парламентын дархлаанд сөрөг нөлөөлөх үү?

-Манайхаас гадна олон улс орны парламентын гишүүдтэй холбоотой хэрэг нээгддэг. ОУПХ парламентын гишүүний халдашгүй байдал гэж юу байдаг чиглэлээр шалгалт хийж, шаардлага тавьдаг байгууллага. Нэгэнт хэрэг нээсэн учраас бүх зүйл хуулийн дагуу явж байгаа эсэхийг шалгаж, тогтоох байх. Ер нь бол хууль зөрчсөн бол Монгол Улсын нэр хүнд, хуулийн байгууллагын хувьд таатай зүйл биш. Гэхдээ ОУПХ-ны ажлыг урьдчилж дүгнэж болохгүй.

-Гишүүдийн халдашгүй байдал хэр зэрэг хангагдсан юм бэ.

-Парламентын халдашгүй байдал нь гишүүнээр дамжиж парламентын дархлаа хадгалагддаг тогтолцоо. Халдашгүй байдлын дэд хорооны гишүүд хууль зөрчигдсөн гэж үзсэн учраас холбогдох хуулийн байгууллагад саналаа хүргүүлсэн.

Эх сурвалж:www.polit.mn