Шүүх С.Баярт оногдуулсан таван жилийн ялыг 2.6 жил болгон бууруулжээ

Нүүр

Онцлох мэдээ

Шүүх С.Баярт оногдуулсан таван жилийн ялыг 2.6 жил болгон бууруулжээ

2020-12-04

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН

Нийслэлийн Эрүүгийн хэргийн давж заалдах шатны шүүхэд өнөөдөр /12.04/ С.Баяр, Ч.Давааням нарт холбогдох хэргийн шүүх хурал 12.40 цагт эхэлсэн. Ерөнхий сайд асан С.Баяр цагдан хорих 409, Ч.Давааням Цагдан хорих 461 дүгээр ангиас шүүх хуралд цахимаар оролцсон юм. Тэгвэл давж заалдах шатны шүүхээс Ерөнхий сайд асан С.Баярт ногдуулсан таван жилийн хорих ялыг бууруулан, хоёр жил зургаан сар болголоо. Харин Ч.Даваанямд оноосон хоёр жил хорих ялыг нэг жил болгон тус, тус бууруулсан байна.

Нийслэлийн Эрүүгийн хэргийн давж заалдах шатны шүүхээс “Анхан шатны шүүх С.Баяр, Ч.Даваанямд холбогдох хавтаст хэргийн материалыг дутуу ирүүлсэн” гэх шалтгаанаар С.Баярцогт нарын хэрэгтэй нэгтгэн шүүхээр шийдвэрлэсэн. Гэтэл өчигдөр болсон шүүх хуралдаанаар хэргийг эргэн тусгаарласан юм. Тодруулбал, С.Баяр, Ч.Давааням нарт холбогдох хэргийг буцаан тусгаарлаж, С.Баярцогт, Б.Ариунсан, Б.Бямбасайхан, Б.Бадрал, Д.Ганболд нарын хэргийг тусад нь хэлэлцэн шийдвэрээ гаргалаа.

Эх сурвалж:www.polit.mn