Т.САЙХАН

ЭМЯ-наас /05.05/ ээлжит мэдээллээ хийж, коронавирусын нөхцөл байдлыг танилцууллаа.

Коронавирус- Монголд

Монгол Улсад өнөөдөр коронавирусын халдварын тохиолдол бүртгэгдээгүй. Өчигдөр ХӨСҮТ-ийн хоёр лаборатори, Дархан-Уул аймгийн салбар лабораторид 57 хүний шинжилгээ хийсэн. Эдгээрээс коронавирус илрээгүй. Сэлбэд халуурч, тусгаарлагдсан хоёр хүний шинжилгээнээс коронавирус илрээгүй. Хоёр хүн гэдэгт ойрын хавьтлын хүнийг шинжилгээнд хамруулсан. Алтанбулаг боомтоор орж ирсэн ачаа тээврийн 25 жолоочийн шинжилгээнээс коронавирус илрээгүй гэсэн мэдээллийг ХӨСҮТ-ийн захирал Д.Нямхүү хэллээ. 

Коронавирус-АНУ

АНУ-д 1.2 сая орчим хүн халдвар авснаас 187 мянган хүн эдгэрчээ. Халдвар хамгийн өргөн хүрээнд тархсан Нью Йорк мужид 321 мянга гаруй тохиолдол бүртгэгдсэн байна. АНУ-ын 50 муж улсын 46-д нь энэ хичээлийн жилийг дуустал сургууль, цэцэрлэгийн үйл ажиллагааг хаасан буюу хаах нь зүйтэй гэсэн зөвлөмж гаргажээ.

Коронавирус-БНСУ

БНСУ-д сүүлийн хоёр өдөр дараалан дотоодод шинэ халдвар бүртгэгдээгүй. Харин гаднаас зөөвөрлөгдсөн тохиолдол 3, нас баралт 1 бүртгэгджээ. Ирэх долоо хоногийн Лхагва гарагаас эхлэн Солонгос Улсад сургуулиудын үйл ажиллагааг үе шаттайгаар нээхээр болсон.

Зөвлөгөө

Агаарын сэлгэлт хийж болохгүй гэдэг нь буруу ташаа ойлголт. Нарны гэрэл бол коронавирусын эсрэг байгалийн халдваргүйжүүлэгч буюу маш сайн нөлөөтэй юм. Өдөрт 30 минутын зайтай 10-15 агаарын солилцоо хийх нь гэрт байгаа вирусыг гадагш гаргах ач холбогдолтой гэлээ. Мөн  ДЭМБ-аас нийт халдварын 40 хувь нь албан газруудад тархаж байгаа тул хоорондоо ном, дэвтэр, плаш зэргийг солилцохгүй байх зөвлөмж өгч байна.   

Эх сурвалж:www.polit.mn