Т.САЙХАН

ЭМЯ-наас /05.04/ ээлжит мэдээллээ хийж, коронавирусын нөхцөл байдлыг танилцууллаа.

Коронавирус- Монголд

2020 оны гуравдугаар сарын 26-нд өвдөж, ХӨСҮТ-д эмчилгээнд орсон хоёр хүн эдгэрч, дараагийн шатны хяналтад шилжжээ.  Мөн тавдугаар сарын 3-нд Франкфурт-Улаанбаатарын тусгай нислэгээр ирсэн 274 хүнд шинжилгээ хийснээс нэг хүнд коронавирусын халдвар илэрлээ. Үүнээс 12 хүн эдгэрсэн. Одоо эмчлэгдэж байгаа 28 хүн байна. Өндөр настай, элэгний хорт хавдартай хүн коронавирусын халдвар авч эмчлэгдэж байгаа. Өчигдөр гурван лабораторид 332 хүнд шинжилгээ хийлээ. Ингэснээр Монгол Улсад нийт батлагдсан тохиолдол 40 боллоо. 283 хүнд нь халдвар илрээгүй гэж ХӨСҮТ-ийн захирал Д.Нямхүү хэллээ. 

Коронавирус-ОХУ

Өнгөрсөн 24 цагийн хугацаанд 10,600 гаруй шинэ тохиолдол бүртгэгдэж, нийт халдварын тоо 134,000 давсан байна. Батлагдсан тохиолдлуудын тал шахам хувь нь эмнэл зүйн шинж тэмдэг илрэхгүй байгаа талаар мөн мэдээлжээ.  Одоогийн байдлаар ОХУ-д 1,280 нас баралт бүртгэгдээд байна.

Коронавирус-Япон

Япон улсад өнгөрсөн хоногт 200 шинэ тохиолдол бүртгэгдсэн байна. Тус улсын хэмжээнд нийт халдварын тохиолдол 15000-д хүрчээ. Нас баралт 549 байгаагийн 13 нь “Diamond Princess” хөлөг онгоцны зорчигчид байна.

Зөвлөгөө

Агаарын сэлгэлт хийж болохгүй гэдэг нь буруу ташаа ойлголт. Нарны гэрэл бол коронавирусын эсрэг байгалийн халдваргүйжүүлэгч буюу маш сайн нөлөөтэй юм. Өдөрт 30 минутын зайтай 10-15 агаарын солилцоо хийх нь гэрт байгаа вирусыг гадагш гаргах ач холбогдолтой гэлээ. Мөн  ДЭМБ-аас нийт халдварын 40 хувь нь албан газруудад тархаж байгаа тул хоорондоо ном, дэвтэр, плаш зэргийг солилцохгүй байх зөвлөмж өгч байна.   

Эх сурвалж:www.polit.mn