Т.САЙХАН

ЭМЯ-наас /05.01/ ээлжит мэдээллээ хийж, коронавирусын нөхцөл байдлыг танилцууллаа.

Коронавирус- Монголд

БНСУ-аас өчигдөр 278 хүн ирснээс 289 хүнийг тусгаарлаж, 776 хүн улсын хэмжээнд тусгаарлалтад байна. Өчигдөр Сөүлийн нислэгээр бага насны хүүхэдтэй 95, жирэмсэн 13, эрүүл мэндийн шалтгаантай 43 хүн ирсэн. Сөүлээс ирсэн иргэд шинжилгээ хийлгээгүй учир халдварын өндөр эрсдэлтэй учир 21 хоног тусгаарлана. Энэ хүмүүсийг Жаргалант сувилал, Зүчи, Сэлбэ, Корпорэйт зочид буудал, Цэргийн төв эмнэлэг болон ХӨСҮТ-д тусгаарлалаа. Дөрөвдүгээр сарын 30-нд Монгол Улсад халдварын сэжигтэй тохиолдол бүртгэгдээгүй. Өчигдөр 217 хүнд шинжилгээ хийхэд коронавирус илрээгүй.  Энэ хүмүүсээс эхний сорьц авах ажлыг эхлүүлнэ. Маргаашнаас шинжилгээний хариу гарна.Бидний тооцоолсноор маргааш буух Франкфуртын онгоцоор ирэх иргэд маш эрсдэлтэй.

Коронавирус-Дэлхийд

215 улс оронд бүртгэгдэж, 3.2 сая өвчилж, хоёр сая хүн хэвтэн эмчлүүлж байна.

Коронавирус-Герман

Германы Халдварт өвчний судлалын хүрээлэнгээс 7 хоногт 860 мянга гаруй иргэнд шинжилгээ хийх боломж бүрдүүлж, хүчин чадлаа дахин нэмэгдүүлснээ зарлав. Хүн амын дундах шинжилгээг өргөн хүрээнд хийх, нууц шинж тэмдэгтэй үед нь илрүүлэх бодлого барьж байна. Тус улсад өчигдөр 1478 шинэ тохиолдол, 173 нас баралт бүртгэгджээ.

Зөвлөгөө

Агаарын сэлгэлт хийж болохгүй гэдэг нь буруу ташаа ойлголт. Нарны гэрэл бол коронавирусын эсрэг байгалийн халдваргүйжүүлэгч буюу маш сайн нөлөөтэй юм. Өдөрт 30 минутын зайтай 10-15 агаарын солилцоо хийх нь гэрт байгаа вирусыг гадагш гаргах ач холбогдолтой гэлээ. Мөн  ДЭМБ-аас нийт халдварын 40 хувь нь албан газруудад тархаж байгаа тул хоорондоо ном, дэвтэр, плаш зэргийг солилцохгүй байх зөвлөмж өгч байна.   

Эх сурвалж:www.polit.mn