Т.САЙХАН
УИХ-ын чуулганаар СЕХ-ны гишүүдийг чөлөөлөх, шинээр томилох тухай асуудлыг хэлэлцлээ. Улмаар СЕХ-ны гишүүнээс Р.Содхүү, Ө.Энхтөр нарыг чөлөөлж, Цагдаагийн ерөнхий газрын дарга С.Баатаржав, Улсын бүртгэлийн ерөнхий газрын дарга Б.Баасандорж нарыг томилохыг дэмжсэн байна.
Энэ үеэр УИХ-ын гишүүн Ж.Эрдэнэбат: - Улс төрийн намуудын улс төржилт сонгуулийн жил өндөрсдөг. Хоёрдугаар сарын 1-нээс хойш хичнээн шилжилт хөдөлгөөн хиийгдэв. Аль аймагт нэмэгдэв?
Улсын бүртгэлийн ерөнхий газрын дарга Б.Баасандорж: -Улсын бүртгэлийн байгууллагаас хоёрдугаар сарын 1-нээс иргэний шилжилт хөдөлгөөнийг зогсоосон. Энэ оны нэгдүгээр сарын 1-нээс хоёрдугаар сарын 1-ний хооронд дунджаар иргэний шилжилт хөдөлгөөн 35-36 мянга хүрч ихэссэн. Сонгогч шилжих хөдөлгөөн СЕХ-ны 24 дүгээр зүйлээр зохицуулагдаж байгаа гэв.
Үргэлжлүүлэн чуулганы хуралдаанаар УИХ-ын хуралдааны Дэгийн тухай хуулийн шинэчилсэн найруулгын төслийг хэлэлцэж эхэллээ. Энэхүү хуулийн төслийг УИХ-ын гишүүн Д.Лүндээжанцан нарын долоон гишүүн өргөн мэдүүлсэн билээ.
Эх сурвалж:www.polit.mn