Т.САЙХАН

УИХ-аас 2019 оны арванхоёрдугаар сард баталсан Сонгуулийн тухай хуулийн зарим заалт Үндсэн хууль зөрчсөн гэж Цэц үзсэн.  Тэгвэл энэ дүгнэлтийг өнөөдөр /04.28/ Хууль зүйн байнгын хорооны хуралдаанаар хэлэлцлээ.  Байнгын хорооны гишүүдийн олонх нь  Сонгуулийн хуулийн зарим заалт Үндсэн хууль зөрчсөн гэх дүгнэлтийг хүлээж авахаас татгалзав.  Энэ үеэр гишүүд  Сонгуулийн хуулийн зөрчил гэхээс илүү Цэцийн гишүүдийн ёс  зүйтэй холбоотой асуудлаар байр сууриа илэрхийлэв.  Тухайлбал, УИХ-ын гишүүн Ш.Раднаасэд "Цэц их бөөрөнхий шийдвэр гаргадаг болсон. Цаашид Дэгийн тухай хуульд байнгын хороо, чуулганы хуралдаанд Цэцийн гишүүдийг оруулж ирдэг байх зохицуулалт оруулж ирмээр байна.  Ер нь Цэцийн асуудалд хайнга хандсаар ирсэн шүү гэв.  Харин УИХ-ын гишүүн Ц.Нямдорж "Цэцийн хоёр гишүүний бүрэн эрхийн хугацаа дууссан. Яаралтай орны хүнийг нь томилохгүй бол хууль бус бүрэлдэхүүнээр асуудал шийддэг болж байна. Хаврын чуулган эхлэнгүүт Цэцийн гишүүдийн асуудлыг хэлэлцэх ёстой байсан. Цэцийн хуульд 1992 оны Үндсэн хуулиас хойш заалтыг  хянана гэсэн заалтыг хүчингүй болгохын тулд хугацаа нь дууссан гишүүн оруулж ирсэн" гэлээ.   Бүрэн эрхийг хугацаа нь дууссан  цэцийн гишүүдийн асуудлаар Хууль зүйн байнгын хорооноос Улсын дээд шүүхэд ханджээ.  Гэсэн ч ямар нэгэн хариу  өгөөгүй  гэдгийг тус байнгын хорооны дарга Х.Нямбаатар онцлож байв. 

Эх сурвалж:www.polit.mn