Т.САЙХАН
Улсын ерөнхий прокурор, АТГ-аар ахлуулсан тусгай ажлын хэсэг байгуулагдаж, өр барагдуулах чиглэлээр ажиллаж байгаа юм байна. Ирэх долоо хоногт УИХ-ын чуулганаар энэ асуудалтай холбоотой тогтоол батлахаар төлөвлөжээ. Энэ талаар УИХ-ын дарга Г.Занданшатар "Капитал банк"-наас хоёр сувиллын газрыг хураан авч, ЭМД-ын сангийн өрөнд шилжүүлэхээр ажил бэлэн болж байгаа" гэлээ.
“Капитал банк”-ны 220 гаруй үл хөдлөх хөрөнгө, газар битүүмжтэй байгаа талаар тус банкны эрх хүлээн авагч М.Адилбиш хоёрдугаар сард мэдээлэл өгөхдөө хэлсэн юм. Одоогийн байдлаар тус банкны нийт өр, төлбөрийн үлдэгдэл 641.1 тэрбум төгрөг байгаа ба төлбөрийн дараалал буюу төлөгдөх жагсаалтын наймдугаарт Засгийн газрын буюу 29 эх сурвалжийн 562.6 тэрбум төгрөг багтаж буй. Үүний нэг нь ЭМД-ын ерөнхий газрын 136 тэрбум төгрөгийн өр юм.
Эх сурвалж:www.polit.mn