Т.САЙХАН
Токио-Улаанбаатар чиглэлийн тусгай үүргийн онгоцоор өчигдөр /04.03/ 266 хүн ирсэн. Тэдний дунд Ерөнхийлөгч асан Ц.Элбэгдорж, Японы мэргэжлийн сүмогийн их аварга Асашёорюү Д.Дагвадорж нар ирсэн юм. Мөн нислэг Монголд газардсаны дараа Их аварга Д.Дагвадоржийг УОК-ынхонд нэлээд хүндрэл учруулж байгаа тухай мэдээлэл цацагдаад байв. Тэгвэл өчигдөр Асашёорюү аварга тусгаарлагдсан тухайгаа өчигдөр цахим хуудсаараа мэдэгдлээ. Тэрээр “Би карантинаа барина! Харин нэг асуудал байна! ХӨСҮТ-ийг ч голсон зүйл байхгүй! Улаан бурхны үед аппарат болон агаар шүүгч тусламж өгч байсан! Би хэвтрээ голох тийм хүн биш! Асуудал юундаа байсан бэ гэвэл Японд байсан биднийг Токиогийн өнөөдрийн нислэгт бусад улсаас амжиж ирсэн 57 хүнтэй хамт байлгамааргүй байнаа гэж хэлсэн! Дэлхий тэр чигээрээ хэцүү байгаа энэ үед ийм өндөр эрсдэл үүрүүлэхийг гэр бүлдээ хэн ч хүсэхгүй! Асуудал энэ! Бусдыгаа муухай харагдуулж магад, үнэн бодит зүйл нь энэ, ойлгоно биз! Ерөнхий сайдынхаа үгийг ажил болгоорой. УОК-ынхон минь!!! Гадаад улсын иргэн орж ирсэн шүү! Зарчмаа бариарай!. Ерөнхийлөгч асан Ц.Элбэгдорж корпорайтад тусгаарлагдсан. Дарга нарын хүүхдийг тусгай хар машин ирээд авч байна" хэмээн бичжээ. Түүнийг ХӨСҮТ-д тусгаарлаад байгаа юм байна.
Эх сурвалж:www.polit.mn