Ц.БАЯР Орон сууцны тухай хуулийн шинчилсэн найруулгын төслийг ирэх хаврын чуулганд оруулж батлах болсонтой холбогдуулж  СӨХ-ны нэгдсэн зөвлөлөөс  өнөөдөр /01.30/ “Үндэсний мэдээллийн төв”-д хэвлэлийн хурал хийсэн юм. Уг хуулийн төсөл батлагдвал оршин суугчдын эрх хамгаалалтгүй үлдэхээс гадна дундын өмч хөрөнгө эзэнгүйдэж улмаар ашиглалтын зардал 2-3 дахин нэмэгдэх болно. Түүнчлэн хуулийн төсөлд  хувийн орон сууцны конторыг заавал дэмжих болон СӨХ-ны хуулиар хүлээсэн үүрэг, гүйцэтгэх ажлыг уг конторуудын мэдэлд шилжүүлж, оршин суугчдаас авах төлбөрийг нэмэгдүүлэхээр байна хэмээн тус холбооны Удирдах зөвлөлийн гишүүн Х.Нямдорж, СӨХНЗ-ийн дарга н.Бямбаа,  БГД-ийн V хороо “Тэмүүлэл” хотхоны СӨХ-ны дараг Э.Батцэцэг нарын иргэд мэдээлсэн юм. 2003 онд баталсан СӨХ-ын тухай хуулийг энэ хуулиар хүчингүй болгож  зөвхөн орон сууцны хог цэвэрлэгээ болон мод тарих үүргийг хүлээлгэсэн атал зарцуулагдах хөрөнгийн эх үүсвэр хаанаас санхүүжигдэх нь тодорхойгүй болгосон. 20 орчим жил үүргээ гүйцэтгэсээр ирсэн СӨХ-ын хуулийг ийнхүү хүчингүй болгож  байгаа нь хувийн нэртэй конторуудад иргэдийн төлбөрийг төвлөрүүлэх ашиг сонирхол төслийг санаачилж боловсруулсан УИХ-ын гшиүүн БХБ-сайд Х.Баделхан болон УИХ-дахь Эдийн засгийн байнгын хорооны дарга, УИХ-ын гишүүн Ж.Ганбаатар нарт байна гэж хардаж байна гэлээ. Харин энэ хуулиараа СӨХ-ны тухай хууль зөрчиж байгаа хувийн конторуудыг цэгцлэх цаг болсон. Шинэ орон сууц баригдаж дуусаад баталгаат хугацааны гурван жилийн дотор хувийн орон сууцны контор байгуулдаг. Хугацаа дуусангуут СӨХ байгуулах атал байгуулахгүй 10 жил ч болсон контор байна. Гэтэл эдгээр конторууд дундын өмч болох эд хөрөнгийг  хамгаалж засвар үйлчилгээг тогтмол хийх байтал орхигдуулсаар ирсэн. Түүнчлэн ашиглалтын  зардлыг нэмж авдаг зөрчил илэрдэг. Өмнөх ажлаа хүчрэхгүй байж СӨХ-ны ажлыг тултал хийнэ гэж байхгүй. Энэ хуулийн төслөө татаж автал 1200 СӨХ тэмцэх болно. Дээрх хоёр гишүүнд шаардлага хүргүүлж хуулийн төслөөс СӨХ холбоотой бүх заалтаа авч  хаяхыг хүсч байна  гэж мэдэгдлээ. Эх сурвалж: www.polit.mn