Б.НАМУУНТАМИР Монголын багш нарын холбооноос Монгол Улсын үндсэн хууль дахь боловсролын агуулгад өөрчлөлт оруулах чиглэлээр УИХ-ын дарга Занданшатар болон холбогдох байгууллагуудад хүргүүлж байгаагаа илэрхийлэн “Үндэсний мэдээллийн төв”-д мэдээлэл хийлээ. Монголын багш нарын холбооны ТУЗ-ын гишүүн А.Санжмятав “Монгол Улсын хөгжлийн гарц бол боловсрол юм. 1992 оны Үндсэн хуульд заасан заалтууд өнөөгийн боловсролийг цааш хөтлөхөд учир дутагдалтай байна нийцэхгүй байна. Тиймээс бид хэд хэдэн саналуудыг Үндсэн хуулийн нэмэлэт өөрчлөлтөд оруулах хүсэлтэй байгаагаа илэрхийлж байна. Гурван сая хүн амтай манай улсад 300 гаруй хувийн ЕБС-ийн сургуулиуд байна. Боловсрол олгоход хүн бүхнийг адил тэгш үзэх ёстой. Нэг сая хүүхдийн 400 хүүхэд нь жилийн 400 мянган төгрөг, 600 мянган хүүхэд тэрбум төгрөгийн төсвөөр сурч байна. Боловсролыг хүүхэд бүрт тэгш олгох ёстой. Тэр хүүхэд толгойтой байлаа гээд энгийн хүүхэд орхигдох ёсгүй. Багш нараа ч гэсэн адил чадавхижуулах ёстой. Үүнд төр анхаарлаа хандуулах ёстой. Хувийн сургууль, энгийн сургуульд суралцдаг хүүхдүүд, багш нарын ялгаа тэнгэр газар шиг байна. Хувийн сургууль байгуулах тухай заалт Үндсэн хуульд хуульчлагдах заалт биш. Үүнийг эсэргүүцэж байна. Энэ саналыг Үндсэн хуульд нэмэлт өөрчлөлт оруулах хэлэлцүүлэгт хэлэлцэхгүй байж болохгүй. Хэрэв хэлэлцэхгүй бол дараа дараагийн арга хэмжээг авна” гэлээ. Боловсрол олгоход хүнийг адил тэгш үзнэ, боловсролын үйлчилгээ хүн бүрд тэгш боломжийг олгоно, боловсролын агуулга аливаа шашин, үзэл суртлаас ангид байна, ерөнхий боловсролоор монгол хүн, монгол улсын иргэн бэлтгэнэ, Мэргэжлийн боловсролоор үндэсний хүний нөөцийг чадваржуулж чанаржуулна, багш ерөнхий боловсролын сургууль, сургуулийн өмнөх боловсролын байгууллагад мэргэжлийн ажиллах нөхцөл, бололцоог төр бүрдүүлнэ гэсэн заалт нэмэх тухай санал дэвшүүлж байгаа аж. Мөн хувийн сургууль байгуулан ажиллуулах тухай заалтыг хасах тухай эргэцүүлж үзэхийг хүсжээ. Эх сурвалж: www.polit.mn