Н.МӨНХЖИН

Бүх Хятадын сэтгүүлч­дийн холбоо амиа алдсан сэтгүүлчдийн ар гэрт 300 мянган юанийн (49 мянган доллар) тусламж үзүүлэх тогтоолыг баталжээ. Ажил үүргээ гүйцэтгэж яваад амиа алдсан сэтгүүлч, сурвалжлагчид үүнд хамаарах аж. Хүнд шархадсан, гэмтлийн улмаас хөгжлийн бэрхшээлтэй болсон бол 50 мянган юань авахаар болсон байна. Сэтгүүлчид мэргэжлийн ажил үүргээ аюулгүй, найдвартай гүйцэтгэхийн тулд ийм арга хэмжээ авч байгаа юм. Хөнгөн гэмтэл, бэртэл авсан сэтгүүлчид 5-10 мянган юанийн нөхөн олговор авах эрхтэй болж байна.

“Хил хязгааргүй сурвалжлагчид” байгууллага сэтгүүлчдэд хамгийн халтай орнуудын жагсаалтыг жил бүр гаргадаг. Сири улс сүүлийн хоёр жилийн турш энэ жагсаалтыг тэргүүлж байна. Хятад улс энэ жагсаалтад ордоггүй ч баривчлагдсан сэтгүүлчдийн тоогоор тэргүүлдэг аж. Албан мэдээллээр, тус улсад хэвлэл мэдээллийн 100 мянга орчим ажилтан шоронд хоригдож байгаа ажээ.