Т.САЙХАН Ерөнхий сайд Н.Алтанхуягийн ахлах зөвлөхөөр ажиллаж байсан  Л.Гансүх өнөөдөр /03.27/ мэдээлэл хийлээ. Тэр "Шударга бусын хонгилд хэлмэгдэгсдийн холбоо“ ТББ байгуулснаа зарлаж, хэлмэгдэгсдийн эрх ашгийг хамгаалж ажиллана гэсэн юм.  Түүнийг “Цензургүй яриа“ нэвтрүүлэгт орсны дараа зургаан хүн уулзжээ.  Бүгд Ц.Элбэгдорж, Б.Хурц нарын бий болгосон хонгилоор орж хохирсон хүмүүс байсан гэв.  Энэ талаар  Л.Гансүх "Хүмүүс хамтарч энэ бүхэнтэй тэмцье гэсэн санал гаргасан. Учир нь хэлмэгдсэн хүмүүс олон бий. Нэгэнт хонгилд хэлмэгдээд бүх шатыг нь туулсан хүний хувьд би хонгилыг нураахад дуу хоолойгоо оруулахаар холбоогоо байгуулахаар шийдсэн гэлээ.  "Шударга бусын хонгилд хэлмэгдэгсдийн холбоо" ТББ нь хонгилын хоригчдын эрх ашгийг хамгаалах, Шүүх, прокурор, авлига, тагнуул, цагдаад шургалсан хогилын гишүүдийг илрүүлэхэд хамтарч ажиллах, Хонгилыг арилгах чиглэлээр холбогдох хуулиудад өөрчлөлт оруулахаар Төрийн байгууллагатай хамтарч ажиллахаар төлөвлөсөн байна. Эх сурвалж:www.polit.mn