-Удам судраа, гэр бүлээ ярь гэвэл улсаа ярих хэрэг гарна. Улсаа ярина гэдэг өндөр  өвөө Д.Сүхбаатар жанжны тухай  ярина гэсэн үг юм.

-Манайхан хэдэн үеэрээ  үндэснийхээ эрх чөлөөний төлөө тэмцэж ирсэн тэмцэгчид.

-Намайг төрөхөд Янжмаа эмээ  маань  өрөөндөө орыг зэхчихсэн  хүлээж байсэн гэдэг. Үүнээс  хойш би  эмээгийн охин болсон.

- Манай өндөр өвөө Амгаланбаатар хотод төрсөн. Гэтэл аав Цагаан дээлт Дамдины уугуул нутагт Цэцэнхан аймаг буюу одоогийн Сүхбаатар аймгаас хүүг нь Хужирбуланд цэрэгт татсан байдаг. Тэр үед иргэний бүртгэл сайн байжээ.

- Өндөр өвөө маань сэлмээ мундаг эргүүлдэг, дэмбээдвэл дэмбээддэг, сайхан ярьдаг, сайхан монгол эр хүн байсан гэж эмээ, ээж, эгч нарынхаа ярьж байхыг багадаа сонсож байлaa.

-Би  Москвагийн гадаад хэлний дээд сургуулийг төгсөхдөө дипломын ажлаа О.Латимор гэдэг мундаг том монголч эрдэмтний 1954 онд бичсэн “Үндсэрхэг үзэл ба хувьсгал номыг орчуулж хaмгaалсэн юм шүү дээ. Тэр номд Д Сүхбаатар жанжин нас барсныг Оросын консултай холбож байсныг тэмдэглэсэн байдаг юм.