Х.ОЮУНБОЛД Австралийн уран зохиолын нэр хүндтэй шагналыг Иран, Курдын сэтгүүлч Бехруз Бучани Манус дахь хориход  байхдаа “Уулнаас өөр найзгүй” гэдэг бүтээлээрээ хүртжээ. Тэрээр номоо мессеж ашиглан бичжээ. Энэ ном нь 72 сая ам.доллар дагалддаг “Уран зохиолын Викториа”2019 наадмын шагналыг хүртсэн байна.

What Appапплейкшний мессеж

Шагнал авсан хүмүүс баяраа тэмдэглэж байх үеэр Бучани энэ шагналыг хүртсэн нь түүнд их хачин санагдсан гэж  “ВВС” агентлагт ярьсан байна. Тэрээр “Гэхдээ би аз жаргалтай байна. Учир нь энэ хэцүү нөхцөл байдлын талаар  энэ тухай мэддэг хүмүүсийн анхаарлыг  татаж чадсан нь сайхан хэрэг. Харин нөгөө талаар шагналаа тэмдэглэх эрхгүй болохыг мэдэрч байна.  Учир нь миний ихэнх найз нар тэр газарт зовж байгаа” гэжээ. Тэрээр перс хэл дээр олон жил бичсэн энэ номынхоо ихэнхийг нь хоригдож байхдаа ”Whatapp апплейкшны”  мессеж ашиглаж бичсэн юм байна. Тэрээр бүтээлээ орчуулагч Омид Тофигияанд илгээдэг байсан тухайгаа ВВС агентлагт ярьжээ.  Энэ тухайгаа “Би цаасан дээр бичээгүй. Учир нь тэр үед харуулуд долоо хоног эсвэл сар болгон бидний өрөө болон эд зүйлсийг  шалгадаг байсан. Тиймээс  би бичмэлээ алдаж магадгүй гэж санаа зовдог байсан. Тиймээс зохиолоо орчуулагчдаа илгээсэн” гэв. Түүнийг 2013 онд анх баривчилсан бөгөөд дараа нь  Австралид ирсэн байна. Тэрээр  хорих төвөөс Австралид ирэхдээ бусдад танигдсан дуу хоолой болчихсон байжээ.  Харин одоо их Британийн  “Guardian” сонинд нийтлэл бичдэгээс гадна Манус арал дахь  амьдралын тухай твиттертээ жиргэдэг  аж. Мөн гар  утсаа ашиглаж бичлэг, баримтат кино хийсэн гэнэ.  

Сахиусан тэнгэр ч чөтгөр ч биш                                  

Шүүгчид түүнд уран зохиолын Викториа шагналыг өгсөн шалтгаанаа түүний зохиолыг сэтгэл хөдөлгөсөн урлагийн бүтээл байсан учир гэж тайлбарлажээ. Түүнээс гадна жирийн дүрслэлээс давсан чухал онол гэж тодорхойлжээ. Тэд Бучаниг шүүмж судлалаас, нягт дүрслэл хүртэлх өгүүллэгийн бүх хэлбэрийг ашигласан байна гэсэн юм. Мөн түүний бичлэг тод тодорхой, сайхан бичигдсэнээс гадна дэлхийн бусад орны уламжлалт уран зохиол, ялангуяа Курдын уран зохиолыг хослуулсан нь энэ нэр хүндтэй шагналыг өгөхөд түлхэц болсон тухай ярьжээ. Уг нь энэхүү уран зохиолын уралдаанд оролцох дүрмийн дагуу зохиолчид  Австралийн иргэн эсвэл байнгын оршин суугч байх ёстой юм байна. Гэвч энэ арга хэмжээг зохион байгуулдаг “Велер” төв шүүгчдийн зөвлөгөөг зөвшөөрч Бучанигийн номонд боломж олгож уралдаанаас хасаагүй байна. Учир нь Австралийн зүгээс  дүрвэгчдийн талаархи баримталж байгаа бодлогыг Европын зарим улс төрчид хамгаалсан ч  хүний эрхийг хамгаалах байгууллагууд болон НҮБ шүүмжилсэн ажээ. Гэхдээ Бучани түүний номыг уншсан хэн ч байсан дүрвэгчид болон орогнол хүсэгчдийн дүр төрх, хувь хүний онцлог чанар, нинжин сэтгэлийг нээн гаргах талаар сурахыг хичээх хэрэгтэй. “Бид сахиусан тэнгэр, чөтгөр ч биш гэж хэлжээ. Эх сурвалж:ВВС.сом