"Манай үеийн баатар”-ын анхны хэвлэлийг дуудлага худалдаанд гаргана

Нүүр

Дэлхийн улс төр

"Манай үеийн баатар”-ын анхны хэвлэлийг дуудлага худалдаанд гаргана

2019-02-01

Нийтэлсэн: Админ

1 мин

ХУВААЛЦАХ

ЖИРГЭХ

Д.ЭНХЭЭ Михаил Лермонтовын “Манай үеийн баатар” зохиолын анхны хэвлэлийг дуудлага худалдаанд гаргах бөгөөд гарааны үнэ 3,3 – 3,5 сая рубль байх ажээ. Дуудлага худалдаа зохион байгуулдаг “Литфонд” байгууллагын хэвлэлийн алба даваа гаригт энэ тухай мэдээлжээ. "Сайн чанарын ширэн хавтастай, 1840 онд хэвлэгдсэн хоёр боть ном өнөөг хүртэл бүрэн бүтэн хадгалагдсан. Дуудлага худалдаа хоёрдугаар сарын 9-нд болно” хэмээн хэвлэлийн албаныхан өгүүлэв. Зохиолч 1837 онд Кавказад цөллөгт байхдаа цуврал туужаа бичиж эхэлсэн аж. Романы хэд хэдэн бүлэг “Эх орны тэмдэглэлүүд” (“Отечественные записки”) -д нийтлэгдэж шүүмжлэгчдийн зүгээс сайн үнэлгээ авч байжээ. “Манай үеийн баатар” – ын анхны хэвлэл 1840 онд Санкт-Петербургт гарсан бөгөөд Илья Глазуновын хэвлэх үйлдвэрт нэг мянган хувь хэвлэгджээ. Хоёр дахь хэвлэл яруу найрагчийг амиа алдахын өмнөхөн 1841 онд гарсан бол гурав дахь хэвлэл нь сонгодог зохиолчийг нас барсны дараа 1845 онд гарчээ.

Эх сурвалж: www.polit.mn

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

1 цаг 24 мин