Т.САЙХАН Ерөнхийлөгчийн санаачилсан утааны асуудлаарх Ерөнхий хяналтын хороо энэ долоо хоногт хуралдсан.  Хуралдааныг Байгаль орчин хүнс хөдөө аж ахуйн байнгын хорооны дарга, УИХ-ын гишүүн Л.Элдэв-Очир даргалсан юм.  Энэ үеэр Ерөнхийлөгч Х.Баттулга “Гэр хорооллын 80 хувьд утаагүй зуух тараасан компанитай холбоотой хүн энд сууж байна.  Улсын төсвөөс хэдэн тэрбумаар нь идсэн.  Одоо туршилттаа зогсоогоорой гэсэн.  Харин Л.Элдэв-Очир гишүүн “Ерөнхийлөгч та MCS компанийг ярьж байх шиг байна.   Тэндээс тараасан  зуух одоо ч зах зээлд эрэлттэй байдаг юм шүү. Утааг улс төржүүлэхээ зогсоогоорой гэсэн байдаг.  Ийнхүү Ерөнхий хяналтын сонсголын үеэр тэд хоорондоо нэлээд маргалдсан.  Л.Элдэв-Очир гишүүн Ерөнхийлөгч та энэ хурлаа даргалах уу, танайхаас дарга томилох уу  ч гэж ярьж байсан.  Тэгвэл тэдний маргаан үүгээр дуусаагүй бололтой.  Өнөөдөр  /02.01/болсон чуулганы үеэр Л.Элдэв-Очир Ерөнхийлөгч намайг өрөөндөө дуудаж уулзсан гэлээ.   Мөн тэрээр “ҮАБЗ-ийн гишүүн Ерөнхийлөгч дандаа болчимгүй зүйл хийж байна.  Байнгын хорооны дарга намайг хууль ярилаа гэж загнаж зандарсан. Бид хуульгүй яаж явах юм.  Ерөнхийлөгчийг би төлөвшсөн гэж бодсон үгүй юм байна.  Биднийг өрөөндөө дуудаж уулзсан.  Намайг чи чинь нэг сонгогдсон олигархи бил үү гэж байна.  Ор үндэсгүй гүтгэж байна.  Энэ сурсан зангаа тэр хэзээ ч танихгүй юм байна гэлээ.  Өмнө Ерөнхийлөгч Х.Баттулга, Л.Элдэв-Очир нар Баянхонгорын нэг тойрогт нэр дэвшин өрсөлдөж байсан  билээ. Эх сурвалж:www.polit.mn