Ч.ОЛДОХ Ардчиллын удирдагч, төр нийгмийн зүтгэлтэн С.Зоригийг хөнөөсөн хэргийн ажлын хэсгийг тараах чиг үүргийг ХЗДХ-ийн сайд Ц.Нямдорж  өнгөрсөн сарын 24-нд Цагдаа, дотоодын цэргийн удирдах ажилтны зөвлөгөөн дээр өгсөн гэсэн мэдээлэл  хэвлэлээр гарсан. Тэгвэл уг хэргийг анхнаас нь мөрдөн шалгаж ирсэн 12-13 албан хаагчийг  ямар нэг үндэслэл, шалтгаангүйгээр ажлаас нь халсан гэсэн сураг дуулдлаа. Ажлын хэсгийг тараасан гэх асуудлын эргэн тойронд юу болоод байгааг УИХ-ын гишүүн О.Баасанхүү тухайн үед чуулганы нэгдсэн хуралдаан дээр   салбарын сайд Ц.Нямдоржоос  лавлаж асууж байсан юм. Иймд О.Баасанхүү гишүүнд ямар мэдээлэл байгааг асуулаа. Тэрээр  “Надад албан ёсны мэдээлэл алга. Тэгэхээр хэвлэлээр гарч байгаа, хүмүүсийн ярьж байгаа мэдээлэл байна.  Миний ойлгосноор бол ямар ч гэсэн  ажлын хэсгийг нь  тараасан юм байна лээ. Гэхдээ ажлын хэсгийг бүр татан буулгачихаж   буй юм биш шинээр бүрдүүлж байгаа гэсэн. Ингэхдээ дан цагдаагийнхнаас ажлын хэсгийг бүрдүүлж байгаа гэсэн. Энэ нь  Ц.Нямдорж сайдын хийж байгаа ажил” гэв. Эх сурвалж: www.polit.mn