Т.САЙХАН МАН-ын Удирдах зөвлөл,  бүлгээс УИХ-ын даргад ЗГХЭГ-ын дарга, УИХ-ын гишүүн Г.Занданшатарыг дэмжлээ. Ер нь  М.Энхболдыг  чөлөөлөхөөс өмнө л нам дотор парламентын спикерийн төлөөх сунгаа эхлээд байв.    Хууль зүй, дотоод хэргийн сайд Ц.Нямдорж, Шадар сайд  Ө.Энхтүвшин, Батлан хамгаалахын сайд Н.Энхболд, УИХ-ын гишүүн Д.Лүндээжанцан гээд парламентад олон жил сонгогдсон гишүүд жагсаалтын эхэнд яригдаж байлаа.   Түүний араас УИХ-ын гишүүн Ж.Энхбаяр,  Г.Занданшатар нарын дунд үеийнхэн  нэлээд хүчтэй яригдсан. Үүний эцэст  Ерөнхий сайд У.Хүрэлсүх намынхаа Удирдах зөвлөлд ЗГХЭГ-ын даргын нэрийг  танилцуулж, 1970-аад оны төлөөллөөс сонголтыг оруулж ирэв.   Түүнийг удирдах зөвлөлөөс 100 хувийн саналаар дэмжсэн байна. Өнөөдөр болох чуулганы хуралдаанаар УИХ-ын даргыг томилох асуудлыг хэлэлцэн шийдвэрлэнэ.  Харин одоо нам дотор дахин яригдах нэг асуудал нь ЗГХЭГ-ын даргад хэнийг тохоон томилох вэ гэдэг асуудал ид яригдаж эхэллээ. УИХ-ын хурлын гишүүн Ш.Раднаасэд энэ сунгааны эхэнд байгаа бололтой.  Мөн  Л.Оюун-Эрдэнэ, Т.Аюурсайхан нар ч яригдаж байна.  Гэхдээ бүлгийн гишүүдийн олонх нь Ш.Раднаасэдийг дэмжин зүтгүүлж буй гэх мэдээлэл байна. Эх сурвалж:www.polit.mn