Т.САЙХАН ЗГХЭГ-ын дарга Г.Занданшатар  Засгийн газрын хуралдаанаас гарсан шийдвэрийн талаар мэдээлэл хийлээ. Тэрээр 2019 оныг "Эх оронч худалдан авалтын жил" болгон ажил өрнүүлэхээр шийдвэрлэлээ. Улсын хэмжээнд төрийн бүхий л байгууллагууд ахуйн болон өдөр тутмын хэрэглээнээс эхлээд бололцоотой бүх түвшинд дотоодын үйлдвэрлэгчдээ дэмжих бодлого баримтлах зүйтэй гэж энэ уриалгыг гаргаж байна" гэлээ. Түүний  дараа сэтгүүлчдийн сонирхсон асуултад хариуллаа. -Хотын даргыг хэзээ батламжлах вэ? -Нийслэлийн Засаг даргад Улаанбаатар хотын агаарын бохирдол, түгжрэл гээд нийслэлчүүдийн өмнө тулгамдсан асуудлуудыг шийдвэрлэх туршлагатай, дадлагатай, намынхаа бүлгүүдийг дэмжлэгийг хүлээж чадахуйц хүнийг батламжилна. Хуулийн дагуу шийдвэрлэнэ. -Эрдэнэт үйлдвэрийн 49 хувийн талаар мэдээлэл өгөөч? -Өнөөдрийн байдлаар Эрдэнэт үйлдвэр 100 хувь Засгийн газрын нэр дээр Улсын бүртгэлийн ерөнхий газарт бүртгэлтэй байгаа. Шүүхийн шийдвэр гарсан хэдий ч 49 хувиа шилжүүлээгүй, одоогоор 100 хувь Засгийн газрын мэдэлд байгаа. Эрдэнэт үйлдвэрийн ТУЗ-д нь Засгийн газраас томилсон хүмүүс байгаа. Шүүхийн шийдвэрийг хэрэгжүүлээх талаар шадар сайдаар ахлуулсан ажлын хэсэг ажиллаж байна. Нууцын зэрэглэлтэй асуудал учраас өөр мэдээлэл өгөх боломжгүй. Эх сурвалж:www.polit.mn