С.САРУУЛ ЦЕГ-ын Мөрдөн байцаах албаныхан Сонгинохайрхан дүүргийн 32 дугаар хорооны нутаг дэвсгэрт байрлах “Эмээлт” захын ойролцоо саарал өнгийн Тоёота карина маркийн машинаар ховор амьтаны жагсаалтанд орсон Хүрэн баавгайн эд эрхтэнийг /арьс, толгой/ тээвэрлэж явсныг  үйлдэл дээр нь илрүүллээ. Хэргийг Дорнод аймгийн харьяат иргэн Улаанбаатар хот руу тээвэрлэн ирж, бусдад худалдаалах гэж байжээ. Хуулийн хариуцлага: Эрүүгийн хуулийн 24.5 дугаар зүйл. /Хууль бусаар ан агнах/ 1.Улсын тусгай хамгаалалттай газар нутагт зөвшөөрөлгүйгээр амьтан агнасан, барьсан, эсхүл ховор амьтныг тусгай зөвшөөрөлгүйгээр агнасан, барьсан, зориудаар тэжээж гаршуулсан, үржүүлсэн, тэдгээрийн гаралтай түүхий эдийн зүйлийг хадгалсан, худалдсан, худалдан авсан, тээвэрлэсэн, гадаад улсад гаргасан, ховор амьтны чихмэл, эд, эрхтэн, тэдгээрийн гаралтай түүхий эдийн цуглуулга хийсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ. Эх сурвалж: www.polit.mn