Т.САЙХАН УИХ-ын дарга М.Энхболдыг өчигдөр /01.29/ үүрэгт ажлаас нь чөлөөллөө.  Тэрээр парламентын түүхэнд  11 дэх УИХ-ын дарга байсан.  Мөн хугацаанаасаа өмнө үүрэгт ажлаа өгсөн  дөрөв дэх спикер болж байна.  Түүнээс өмнө УИХ-ын дарга Л.Энхбиш, Ц.Нямдорж,  Н.Энхбаяр нар хугацаанаасаа өмнө үүрэгт ажлаа өгч байлаа. -Л.Энэбиш агсны хувьд Монгол Улсын Их Хурлын даргын албыг 2000-2001 онуудад хашиж байсан улс төрч юм. Тэрээр 2001 оны есдүгээр сарын 29-нд зуурдаар хорвоогийн мөнх бусыг үзүүлсэн билээ. -2004-2005 онд Улсын Их Хурлын даргаар Н.Энхбаяр сонгогдон ажиллаж байсан.  Тэрээр 2005 оны Ерөнхийлөгчийн сонгуульд нийт сонгогчдын 65 хувийн санал авч үнэмлэхүй ялалт байгуулснаар Монгол Улсын гурав дахь Ерөнхийлөгчөөр сонгогдсон учраас УИХ-ын даргын ажлаа өгч байв. -2005-2007 онд УИХ-ын даргаар одоогийн Хууль зүй дотоод хэргийн сайд Ц.Нямдорж ажиллаж байв. Ц.Нямдорж 2007 онд УИХ-ын даргын суудлаасаа буусан.  Гол шалтгаан нь Монголын хуулийг орондоо засдаг тухай дээр, доргүй шуугисны эцэст УИХ-ын даргын  сэнтийгээс нь буулгасан юм. -2016-2019 онд УИХ-ын даргаар М.Энхболд сонгогдон ажиллалаа.  Түүнийг 60 тэрбумын хэрэг буюу төрийн албыг наймаалцсан гэх хэрэгт ёсзүйн хариуцлага хүлээх нь зүйтэй гэж үзэж үүрэгт ажлаас нь чөлөөлсөн.  Төрийн тэргүүний зүгээс УИХ-ын тухай хууль болон Дэгийн тухай хуульд өөрчлөлт оруулснаар ийнхүү парламентын спикерыг гишүүдийн олонхийн саналаар үүрэгт ажлаас нь чөлөөлдөг болж байгаа юм. Эх сурвалж:www.polit.mn