Ч.ЗОТОЛ  Уулбаян сумын Тэгш багийн малчин Дамдины Баярсайхан  Улсын хошой аварга малчин боллоо.  Аварга малчны цол тэмдгийг   Ерөнхий сайд У.Хүрэлсүх  өвөлжөөнд нь очиж гардуулж өгчээ. Д.Баярсайхан  мал сүргээ таван төрөл дээр нь өсгөн 2018 оны жилийн эцсийн мал тооллогоор 5000 гаруй мал тоолуулжээ. Малаа өөрөө маллахаас гадна сумынхаа арван өрхийг туслах малчнаар ажиллуулдаг. Малчдадаа төллөх малынхаа болон сувай малын 20 хувийг тогтмол өгдөг байна. Мөн жил бүр малчдаа хүнсээр  хангаж, цалинжуулахаас гадна нийгмийн даатгал, эрүүл мэндийн даатгалд хамруулдаг аж. Д.Баярсайхан  нийт мал сүргийнхээ тоогоор болон 3.6 мянган толгой хонь тоолуулсан амжилтаар  аймагтаа тэргүүлсэн юм. Түүний хувьд 2006 онд сумын сайн малчин, 2007 онд мянгат малчин, 2011 онд аймгийн аварга малчин, 2014 онд улсын аварга малчин болж, дөрвөн жилийн хугацаанд улсын аварга малчны болзлыг  бататган биелүүлсэн амжилтаар ийнхүү  Улсын хошой аварга малчин болжээ. Эх сурвалж: www.polit.mn