Т.САЙХАН АТГ-гаас мэдээлэл хийсэн.  Энэ үеэр ЖДҮХС-тай холбоотойгоор хэргийн шалгалтын явцыг танилцуулсан.  АТГ-ын Мөрдөн шалгах хэлтсийн дарга Э.Идэрцог "ЖДҮХС-ийн зээл олголттой холбоотой асуудалд тодорхой нэр заах нь хуулиар хориотой. Зээл олголтын асуудалд төрийн өндөр албан тушаалтан зээл олгоход нөлөөлсөн байж болзошгүй байдал тогтоогдож хуулийн дагуу Ерөнхий прокурорт дөрвөн гишүүний эрхийг түдгэлзүүлэх саналыг тавьсан. УИХ-аас дөрвөн гишүүнийг түдгэлзүүлээгүй. Прокуророос УИХ-ын таван гишүүнд эрүүгийн хэрэг үүсгэж яллагдагчаар татах санал ирсэн. Хоёр гишүүн тогтоолтойгоо танилцаж гурван гишүүний тогтоолыг танилцуулах ажиллагаа явагдсан.УИХ-ын Тамгын газраас хоёр гишүүн томилолттой, өвчтэй учраас танилцах боломжгүй гэсэн тайлбар ирүүлсэн. Үлдсэн гурван гишүүнд өнөөдрийг хүртэл бид танилцуулж чадаагүй.  Мөн олон нийтийн мэдээллийн хэрэгслээр цацагдсан  43 УИХ-ын гишүүн шалгагдаж байгаа гэдэг нь худлаа. Албан ёсоор тухайн албан тушаалтан үйлдлийг албан тушаалаа урвуулан ашигласан үйлдэл байна уу, үгүй юу гэдгийг шалгана гэв. Эх сурвалж:www.polit.mn