Т.САЙХАН УИХ-ын дарга М.Энхболд мэдээлэл хийлээ.  Тэрээр  “Нэн яаралтай дэгээр хэлэлцэхийн тулд УИХ-ын даргын зөвлөл энэ асуудлыг хэлэлцдэг. Даргын зөвлөлийн хурал өнөөдөр /01.25/  УИХ-ын даргын зөвлөл хэлэлцэнэ. Мягмар гарагт 09.00 цагаас Төрийн байгуулалтын байнгын хороог хуралдуулж, 10.00 цагаас УИХ-ын чуулганыг хуралдуулах боломжтой байгаа юм" гэлээ.  Тиймээс УИХ-ын чуулганыг 29-ний өдөр хуралдуулахаар болж байна. Мөн хуулийн хэрэгжих хугацаа нэгдүгээр сарын 25-ны өдөр гэж заасан ч Дэгийн тухай хуульд заасны дагуу Төрийн мэдээлэл сэтгүүлд хэвлэсний дараа хэрэгжиж эхэлдэг. Мэдээллийг өгсөн тул Төрийн мэдээлэл сэтгүүл нэгдүгээр сарын 28-нд хэвлэгдэн гарах юм байна.  Мөн  УИХ-ын дарга М.Энхболд "Мөн тогтоолын төслийг  УИХ-ын гишүүд дөнгөж өнөөдөр /01.25/өргөн барьж байна. Энэ долоо хоногийн УИХ-ын чуулганы хуваарьт ороогүй. Тиймээс Дэгийн тухай хуулийг зөрчинө. Надад албан тушаалтай зууралдаж байгаа зүйл байхгүй. Хуулийн дагуу хэлэлцэж, шийдвэрлэх ёстой. Ирэх долоо хоногийн чуулганы хуралдааныг мягмар гарагт товлож, ирэх долоо хоногтоо багтаад УИХ-ын шинэ дарга томилогдоно гэж бодож байна” гэлээ. Эх сурвалж:www.polit.mn