С.САРУУЛ Он гараад удаагүй байхад морины уралдаантай холбоотойгоор нэг хүүхэд амиа алдсан талаар ХЭҮК-оос мэдээлсэн. 10 настай хүүхэд үсэргээний үеэр мориноос унаж амиа алдсан байна. Тэгвэл өнөөдрийн УИХ-ын чуулганы нэгдсэн хуралдааны эхэнд энэ асуудлыг хөндлөө. УИХ-ын гишүүн М.Оюунчимэг “  “Сүхбаатар аймагт хурдан морины үсэргээний үеэр 10 настай хүүхэд амь насаа алдсан байна. 2018 оны туршид бид энэ асуудлыг ярьсан ч дахин ийм хэрэг гарлаа. Хүний эрхийн комиссоос гаргасан судалгаагаар сүүлийн 20 жилд 30 гаруй хүүхэд амь насаа алдаж, 300 гаруй хүүхэд эрүүл мэндээрээ хохирсон байна. Төрийн байгууллага, аймаг, нийслэлийн удирдлагууд Засгийн газрын шийдвэрийг биелүүлэхгүй байгаа юм бэ” гэв. Харин  ЗГХЭГ-ын дарга Г.Занданшатар “Засгийн газраас бүх аймгийн Засаг дарга нарт албан бичиг хүргүүлж, 12 нас хүртэлх насны хүүхдээр морь унуулахгүй байхыг даалгасан. М.Оюунчимэг гишүүний ярьсан асуудлыг бид аймгийн удирдлагуудаас асуулаа. Үсэргээний үеэр биш, морины ажил хийж байх үедээ унаж бэртэж нас барсан гэсэн хариу өглөө. Үүнийг хууль хяналтын байгууллага шалгаж байгаа юм байна” гэв. Эх сурвалж: www.polit.mn