Т.САЙХАН Малайз улсад амиа алдсан Ш.Алтантуяагийн хэргийн давж заалдах шатны шүүх хурал өнөөдөр /01.23/ Ша Алам хотод эхэллээ.  Талийгаач  Ш.Алтантуяагийн гэр бүлийнхны хүсэлтээр Б.Энхжин шүүх ажиллагааны орчуулагчаар ажиллаж байгаа юм байна.  Талийгаач Ш.Алтантуяа нь 13 жилийн өмнө буюу 2006 онд амь насаа алдсан бөгөөд 2007 онд түүний аав С.Шаарийбуу, ээж С.Алтанцэцэг, хүү М.Мөнгөншагай, М.Алтаншагай нар нь цагдаагийн албан хаагч байсан Азила Хадри, Сирул Азар Омар, Абдул Разак Багинда болон Малайзын Засгийн газрын эсрэг зарга үүсгэсн байдаг.   Өнөөдрийн шүүх хуралд С.Шаарийбуу, М.Мөнгөншагай нар давж заалдагчаар оролцож, Монголын Хүний эрхийн Үндэсний Комиссын гишүүн П.Оюунчимэг, Бангкок дахь Монголын ЭСЯ-ны консулын ажилтан Г.Бямбасүрэн нар шүүх хурлын явцыг ажиглах юм байна. Харин шүүгдэгчээр Абдул Разак Багинда, цагдаагийн ажилтан асан Сирул Азар Омар, Азила Хадри нар дуудагдсан. Талийгаачийн гэр бүл тэднээс  24.1 сая ам.долларын нөхөн төлбөр шаардаж байгаа. Монголын Хүний эрхийн комиссын гишүүн П.Оюунчимэг “12 жилийн турш Монголын хүний эрхийн комисс талийгаачийн ар гэрийнхэнтэй хамтран ажиллаж байгаа. Малайзын шүүх систем хэргийг нааштайгаар шийдвэрлэнэ гэж найдаж байна. Хүний амь бол юугаар ч үнэлшгүй зүйл. Малайзын шүүх хэргийг хэрхэн шийдвэрлэхийг дэлхий даяараа харах болно ” гэжээ.  Энэ удаагийн шүүх хурал   энэ сарын 31-нийг хүртэл үргэлжлэх юм байна. Ш.Алтантуяагийн амийг хөнөөсөн хэргээр  2015 онд Малайзын хоёр иргэнд цаазын ял оноосон юм. Гэвч нэг нь шүүхийн шийдвэрийг гүйцэтгэхээс өмнө Австрали улс руу зугтаж, Сиднейн цагаачдыг хорих төвд хоригдож байсан. Харин 2016 онд Малайзын шүүхээс цаазын ялыг түдгэлзүүлэх шийдвэр гаргаж байжээ.  Хэргийн жинхэнэ захиалагч хэмээн талийгаачийн ар гэрийнхний үзэж буй Багиндаг хэрэгт холбоотой гэх нотлох баримт хангалтгүй байсан гэх шалтгаанаар сулласан байдаг. Эх сурвалж:www.polit.mn